‘Rasti i Messit’ tani është histori, Paris Saint-Germain e ka hequr pezullimin e tij pasi ai udhëtoi në Arabinë Saudite pa leje – të paktën kështu është mirëkuptimi i klubit – dhe Leo Messi, i cili u kthye në stërvitje në fillim të javës, do të kthehet në 11 startuese kundër Ajaccio.
“Për sa i përket sanksionit, askush nuk ka bërë një deklaratë. Nga ana tjetër, kemi kënaqësinë të njoftojmë rikthimin e Leos, i cili do të fillojë nesër”, tha Christophe Galtier në një konferencë për shtyp.
Trajneri i PSG-së theksoi gatishmërinë e Messit për t’u rikthyer në skuadër.
“Ai stërvitej me dëshirë, me vendosmëri dhe ishte i etur për të luajtur sërish. Sapo u kthye, fola me të për të kuptuar gjendjen e tij shpirtërore dhe e gjeta të qetë, të motivuar për të luajtur dhe të vendosur për të fituar një titull tjetër”.
Galtier gjithashtu theksoi rëndësinë e ish-lojtarit të Barcelonës për PSG.
“Messi është Messi, nuk do të zbuloj statistikat e tij këtë sezon [ai ka 20 gola dhe 19 asistime në 37 ndeshje], të cilat janë shumë interesante”, përfundoi ai.
“Ne e pamë atë në Troyes. Skuadra luajti bukur me Leo-n. Ne duhet të gjejmë një mënyrë për të sulmuar aq interesant sa bëmë kundër Troyes”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Partia do ribëhet, Meta paralajmëron ata që nuk janë pro tij
-
Hetimet mbi Kadastrën, SPAK zbardh akuzat për 4 të arrestuarit
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Deputeti gjerman skeptik për anëtarësimin e Kosovës në KiE – çështja është Asociacioni
