Diplomacia shqiptare e ka cilësuar hapjen e ambasadës së Azerbajxhanit në Shqipëri si një vendim të mirëpritur.
Ky i fundit, sipas Ministrisë për Evropën dhe Punët e Jashtme, do të forcojë më tej dialogun politik dhe do të intensifikojë marrëdhëniet dypalëshe mes dy vendeve miqësore.
Parlamenti azerbajxhanas u dakordësua të premten e 18 nëntorit për hapjen e ambasadave të Azerbajxhanit në Shqipëri, Izrael dhe Kenia.
Sipas projektligjeve, ambasada e Azerbajxhanit në Izrael do të vendoset në kryeqytetin Tel Aviv, ambasada në Shqipëri në Tiranë dhe ambasada në Kenia në Nairobi.
Pas diskutimeve, projektet u hodhën në votim dhe u miratuan.
Më herët, presidenti azerbajxhanas Ilham Aliyev nënvizoi gjatë vizitës së tij në Tiranë nevojën e bashkëpunimit të ngushtë.
Kjo, duke falënderuar gjithashtu Shqipërinë për mbështetjen që ka dhënë ndaj Baku-t në konfliktin e zonës Nagorno-Karabakh, mes Azerbajxhanit dhe Armenisë.
“E vlerësojmë gjithë mbështetjen që na keni dhënë për çështjen e Nagorno-Karabakh. Jam shumë mirënjohës”, u shpreh Aliyev.
Për të TAP-i mund të jetë thjesht gjeneza e bashkëpunimit mes vendeve, i cili mund të shtrihet edhe në fusha të tjera.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Bashkëpunimi i Shqipërisë me Serbinë për Euro U21-2027, Çeku: Ne ishim gati, por s’na pyetën
-
Vota e diasporës të bëhet nëpërmjet internetit, thotë Celibashi
-
RENEA ndërhyn në banesa teksa vijon puna për kapjen e autorit të vrasjes së efektivit të Shqiponjave
-
MEPJ thërret ambasadorin serb, pas deklaratave të Vulin për vizitën e Ramës në Athinë
Lajmet kryesore
-
Hamza: PDK-ja do t’i votojë marrëveshjet ndërkombëtare
-
RENEA ndërhyn në banesa teksa vijon puna për kapjen e autorit të vrasjes së efektivit të Shqiponjave
-
Qëllohet me armë Kryeministri i Sllovakisë, Robert Fico
-
Nagip Krasniqi i akuzuar për korrupsion del me letër përshëndetëse: Kam bërë punë të mira
