Presidenti i Meksikës, Andres Manuel Lopez Obrador, ka kërkuar nga Shtetet e Bashkuara të Amerikës të bëjnë reforma migracioni në politikën e saj.
Kjo kërkesë vjen pasi mijëra emigrantë ishin bllokuar nga policia në Guatemala.
Obrador u shpreh se ai shpreson tek presidenti i zgjedhur, Joe Biden, “që do të dakordësohet me Meksikën dhe vendet e tjera për këtë çështje”.
Rreth shtatë mijë migrantë, më së shumti nga Honduras-i, kanë hyrë në Guatemala.
Ata shpresojnë të arrijnë kufirin e SHBA-së.
Çdo vit dhjetëra mijëra migrantë të Amerikës Qendrore përpiqen të arrijnë në SHBA, shpesh në këmbë , në grupe të njohura si karvanë.
Ata janë shprehur se dhuna, varfëria, persekutimet janë faktorët që kanë ndikuar në largimin e tyre. Kushtet janë përkeqësuar pas dy uraganave që goditën Amerikën qendrore në nëntor.
Të hënën, Obrador ka nxitur SHBA-në të reformojë politikat e saj mbi migracionin.
Ai tha se “ka ardhur koha që angazhimi për reformën e imigracionit të përmbushet dhe kjo është ajo që ne shpresojmë”.
“Në fushatën e tij, Joe Biden, u ofrua që do të finalizojë këtë reformë”.
Ai tha se “qeveria do të përpiqet të largojë migrantët nga kalimi në Meksikë. Ai shtoi se të drejtat e migrantëve duhet të respektohen”.
Forcat e sigurisë, kanë thyer karvanin me rreth katër mijë emigrantë, kryesisht nga Honduras-i.
Oficerët kanë përdorur shkopinjtë e gomës, për të shpërndarë migrantët.
Pas shpërndarjes tyre, disa prej tyre hodhën gurë në drejtim të policisë.
Përleshjet shpërthyen të dielën ndërsa disa nga migrantët u përpoqën të kalonin me vija të policisë.
Presidenti, Donald Trump, ka marrë një qëndrim të ashpër kundër imigracionit të paligjshëm, veçanërisht përgjatë kufirit jugor të SHBA me Meksikën
Joe Biden ka premtuar t’i japë fund politikave të rrepta të imigracionit. Një zyrtar i lartë i ekipit të Biden-it, për NBC News tha se “situata në kufi nuk do të transformohet brenda natës”.
Ai nuk informoi se si do të jetë qasja e qeverisë së re ndaj situatës. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Putini nuk e ka urdhëruar vdekjen e Navalnyt në shkurt, besojnë agjencitë amerikane
-
Ylli irakian i TikTok-ut qëllohet për vdekje në Bagdad
-
Studimi i trurit nga AI, shpresë për të mbijetuarit e traumave të fëmijërisë
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
Lajmet kryesore
-
Meta “harron” Dumanin – akuza dhe paralajmërime për kundërshtarët
-
Hetimet mbi Kadastrën, SPAK zbardh akuzat për 4 të arrestuarit
-
Putini nuk e ka urdhëruar vdekjen e Navalnyt në shkurt, besojnë agjencitë amerikane
-
Kodi Civil si kundërpeshë e Asociacionit? – Premtimi i Kurtit për ta amortizuar presionin ndërkombëtar