Ministri i Mbrojtjes, Armend Mehaj, është takuar të enjten me komandantin e Gardës Kombëtare të lOWA-s nga Shtetet e Bashkuara të Amerikës, Gjeneral major Ben Corell.
Kjo është bërë e ditur përmes njoftimit të Ministrisë të Mbrojtjes.
“Gjithashtu u theksua se bashkëpunimi i kultivuar me Gardën Kombëtare të IOWA-s, është ndërtuar falë angazhimit, përkushtimit dhe besimit të dyanshëm. Ky bashkëpunim është vlerësuar lartë edhe nga Gjeneral Corell, i cili shprehu bindjen se të ky bashkëpunim do të thellohet edhe më tutje”
Po ashtu, ky bashkëpunim është vlerësuar lartë edhe nga Gjeneral Corell, i cili ka shprehur bindjen se ky bashkëpunim do të thellohet edhe më tutje.
Në fund të këtij takimi, Mehaj ka falënderuar Gjeneral Correll për bashkëpunimin dhe mbështetjen e ofruar nga Garda Kombëtare e lOWA-s për më shumë së një dekadë.
Edhe me 15 shkurt, ministri i Mbrojtjes, Armend Mehaj, kishte pritur në takim Komandantin e Gardës Kombëtare të Iowa-s, gjeneralmajor Ben Corell, të shoqëruar edhe nga Ambasadori Amerikan në Kosovë, Jeffrey M. Hovenier.
Me këtë rast, ministri Mehaj, e kishte falënderuar gjeneralin Corell dhe ambasadorin Hovenier për partneritetin ndërmjet Forcave të Sigurisë së Kosovës dhe Gardës Kombëtare të Iowa-s.
Mehaj, kishte deklaruar se këto të arritura janë falë mbështetjes së pakursyer dhe të pazëvendësueshme të Shteteve të Bashkuara të Amerikës si shtet mik.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
