Mbretëresha Elizabeth mban fjalimin emocional të Krishtlindjeve duke nderuar Princin Philip

Mbretëresha ka mbajtur fjalimin e saj më personal të Krishtlindjeve deri më tani, duke nderuar bashkëshortin e saj të dashur të ndjerë, Princin Philip.

Mbretëresha Elizabeth II rrëfyer se po i mungon burri, teksa ka theksuar se sezoni i festave “mund të jetë i vështirë për ata që kanë humbur të dashurit”.

“Ndjenja e tij e shërbimit, kurioziteti intelektual dhe aftësia për të nxjerrë argëtim nga çdo situatë ishin të gjitha të papërmbajtshme”, tha Monarkja 95-vjeçare në fjalimin e saj vjetor.

“Ai vezullim djallëzor dhe pyetës ishte po aq i ndritshëm në fund sa kur i vura sytë për herë të parë”, shtoi ajo.

Mbretëresha, e cila kishte veshur një karficë krizanteme safiri për të nderuar Princin Philip teksa mbante fjalimin e saj, pranoi se i mungonte ai, por ndjeu “prezencën e tij” ndërsa përgatitej për sezonin e festave.

Ajo shfrytëzoi rastin për të vlerësuar Çmimin e Dukës së Edinburgut, një program çmimesh për të rinjtë i krijuar nga bashkëshorti i saj në vitin 1956 e që njeh adoleshentët dhe të rriturit për kryerjen e një sërë ushtrimesh vetë-përmirësuese.

Gjithashtu, ajo vuri në dukje interesin e hershëm të Princit Philip për konservimin dhe vuri në dukje se “puna pioniere është ndërmarrë dhe është zmadhuar nga djali ynë i madh Charles dhe djali i tij i madh William – i mbështetur në mënyrë të mrekullueshme nga Camilla dhe Catherine – së fundmi në samitin e ndryshimeve klimatike COP në Glasgow. ”

Edhe pse ajo nuk përmendi Princin Harry apo Meghan Markle në fjalimin e saj, ajo pranoi lindjen e vajzës së tyre Lilibet Diana, e cila mban emrin e stërgjyshes së saj.

“Dhe për mua dhe familjen time, edhe me një të qeshur të njohur që mungon këtë vit, do të ketë gëzim në Krishtlindje, pasi ne kemi mundësinë të kujtojmë dhe të shohim përsëri mrekullinë e sezonit festiv përmes syve të fëmijëve tanë të vegjël, që ne ishim të lumtur t’i mirëpresim katër të tjerë këtë vit”, tha ajo.

Së bashku me ardhjen e Lilibet, Princesha Beatrice dhe bashkëshorti Edoardo Mapelli Mozzi mirëpritën vajzën Sienna Elizabeth, pastaj Princesha Eugenie dhe burri Jack Brooksbank mirëpritën djalin August Philip Hawke dhe motra e Kate Middleton, Pippa, lindi fëmijën e saj të dytë, vajzën Grace Elizabeth.

Mbretëresha e kuptoi gjithashtu se pandemia e vazhdueshme do të thotë që edhe një herë “ne nuk mund të festojmë ashtu siç mund të kemi dëshiruar por, ne mund të shijojmë ende traditat e shumta”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.