Sulmuesi i kombëtares shqiptare, Rei Manaj, është rikthyer te goli pas tetë ndeshjeve.
Ai shënoi golin e barazimit për 1:1, në ndeshjen që ekipi i tij Spezia barazoi me shifrat 2:2 ndaj Salernitana-s në udhëtim.
Manaj ia doli të shënonte gol në minutën e 12-të, me anë të penalltisë, duke i dhënë shpresë skuadrës së tij.
Mirëpo barazimi i golin nga ana e Manaj zgjati shumë pak, pasi vetëm katër minuta më vonë Simone Verdi shënoi golin e dytë për Salernitana-n, duke kaluar ekipin e tij në epërsi.
Spezia më pas barazoi shifrat në 2:2 në minutën e 30-të, ku përsëri nga penalltia, këtë radhë u tregua i saktë Daniele Verde.
Mirëpo, gola më nuk pati deri në fund të takimit, me dy skuadrat që u desh të ndahen të kënaqura me nga një pikë në këtë ndeshje.
Ky barazim i shkon për shtat më shumë Spezia-s, të cilët pozicionohen në vendin e 15-të në Serie A me 26 pikë, derisa Salernitana gjendet në vendin e fundit në krizë me vetëm 11 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”