Lodhje e vazhdueshme? Mund të varet edhe nga personaliteti

Ndryshimi i stinës, stresi, ngarkesa e tepërt e punës, një mënyrë jetese e gabuar, dieta e varfër dhe gjumi i parehatshëm.

Të gjitha këto mund të jenë faktorë të ndryshëm që çojnë në ndjenjën e lodhjes.

Po sikur përveç këtyre shkaqeve, të qenit pa energji të varej edhe nga personaliteti ynë?

Kjo është teza e treguar në librin “Fix Your Fatique” të shkruar nga dietologia Karina Antram.

Ajo ka vënë në dukje se ka disa lloje personaliteti që mund të jenë më të prirur për t’u ndjerë më të lodhur.

“Sipas shkencës, tipat e personalitetit të tipit A, të tillë si ata që janë konkurrues, shumë të motivuar, të organizuar dhe ambiciozë, janë në rrezik më të madh të lodhjes sesa tipi B që janë më të relaksuar, të kënaqur dhe më pak ambiciozë”, thotë ajo.

Falë kërkimit të saj, ajo ishte në gjendje të identifikonte llojet e personalitetit që lodhen më shpejt se të tjerët.

5 tipat e personalitetit që lodhen më shpejt:

Mbështetësi

Në këtë kategori përfshihen të gjithë ata njerëz që u japin shumë nga vetja të tjerëve, për sa i përket vëmendjes, kohës dhe energjisë, duke lënë mënjanë veten.

Përkushtimi i të gjitha burimeve tona për ata që na rrethojnë, natyrshëm çon në mos gjetjen e forcës për të mbështetur veten dhe për rrjedhojë të ndihemi të lodhur dhe të rraskapitur.

Futuristi

Ka nga ata që nuk janë në gjendje të shijojnë momentin e tanishëm dhe i kanë gjithmonë sytë e kthyer nga e ardhmja.

Por jo lehtë, por me shqetësim se çfarë do të ndodhë më pas.

Dhe ky mendim i vazhdueshëm çon në lodhje mendore që krijon një rënie të energjisë dhe dobësi.

Me luhatje humori

Kjo tipologji gjithashtu përpiqet të zërë rrënjë këtu, por ndryshe nga futuristi, në këtë rast vëmendja drejtohet dhe përqendrohet në të kaluarën.

Ne fokusohemi në atë që ishte, duke menduar për atë që mund të kishim bërë ndryshe ose atë që nuk arritëm të bënim.

Nëse truri juaj është kaq i zënë duke menduar për ngjarjet e kaluara dhe duke qortuar veten, nuk është çudi të gjeni veten të rraskapitur herët në mëngjes.

Mendimtari i madh

Të menduarit mund t;ju japë një ndjenjë të vazhdueshme të lodhjes.

Antram e përcaktoi këtë lloj personaliteti në këtë mënyrë: “Ju jeni gjithmonë në modalitetin e luftimit ose fluturimit, i cili harxhon shumë energji. Ju shpesh u jepni mendimeve shumë kohë dhe vëmendje, duke krijuar kështu frikë ose ankth për atë që do të vijë”.

I burgosuri

Në thelb je aq empatik sa bëhesh një sfungjer emocional.

Ne priremi të thithim emocionet e atyre që na rrethojnë, veçanërisht ato negative dhe problemet e të tjerëve që lidhen me to, të cilat bëhen si tonat.

E gjithë kjo krijon lodhje të madhe dhe dobësi psikologjike.

“Kur mbani jo vetëm emocionet tuaja, por të gjithë të tjerëve, do të ndiheni të shkatërruar”, thotë Antram.

A u ngjason vetja me shumë lloje të personalitetit? Është më se normale.

“Natyrisht, ne mund të biem në një lloj personaliteti, por ka të ngjarë që të përshtatemi me disa ose me të gjitha”, shpjegon ekspertja.

Sipas saj, çka ka rëndësi është të jemi të vetëdijshëm për disa nga tiparet që ato posedojnë, të cilat mund të ndihmojnë të kuptojmë se si shpërndahen energjitë.

Ky është hapi i parë për të kuptuar se nga vjen niveli i ulët i energjisë dhe përpjekja për ta fituar atë përsëri.

Për të hequr qafe lodhjen fizike dhe emocionale, mund të provoni teknikën ACE, e cila ju ndihmon të ndaloni ciklin e mendimeve negative dhe të përqendroheni.

“Me pak praktikë, ju mund të mësoni të vini re mendime të padobishme dhe t’i ndaloni ato nga konsumimi i energjisë tuaj. Kjo është veçanërisht e dobishme nëse vuani nga lodhja afatgjatë”.

Por cila është metoda ACE?

Ëshë e ndarë në tri faza.

Hapi i parë është të njohësh mendimet e tua. “Provoni t’u jepni një emër, për shembull: Kam një mendim zhgënjyes”.

Dhe më pas vëreni se ku e ndjeni emocionin në trupin tuaj.

Hapi i dytë është të lidheni me trupin tuaj . “Vendosni këmbët në tokë, shtrini kurrizin dhe bashkoni duart dhe gishtat. Tani sillni vëmendjen tuaj te qenia juaj fizike, e cila përmban mendimet dhe ndjenjat tuaja”.

Faza e fundit është bashkëveprimi me botën përreth.

Sipas Antram, duhet të “vëni re katër gjëra që mund të shihni, katër gjëra që mund të dëgjoni dhe katër gjëra që mund të prekni”. Një ushtrim i dobishëm që ju ndihmon të bëheni më të vetëdijshëm për të tashmen dhe të rikalibroni energjitë tuaja.

Marrë nga “La Repubblica”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.