Lidhja mes Kate Middleton dhe mbretit Charles po përforcohet akoma më shumë mes diagnostikimit të tyre nga kanceri
Lidhja e Kate Middleton dhe mbretit Charles mund të bëhet më e fortë, pasi ata të dy lundrojnë me kancerin gjatë herës së parë në historinë e monarkisë që dy anëtarë të familjes mbretërore po përballen me diagnozën njëkohësisht.
Biografi i familjes mbretërore Sally Bedell Smith e ka quajtur Kate “vajzën që Charles s’e pati kurrë”.
“Ai ka pasur gjithmonë një lidhje shumë të mirë me të. Nuk mendoj se është arrogancë të thuhet se ajo është si vajza që ai nuk e ka pasur kurrë”, i thotë biografi mbretëror Smith ekskluzivisht për People, transmeton AlbanianPost.
“Ai ndan me William një impuls për ta mbrojtur atë. Ata janë në këtë së bashku, Kate dhe Charles”, shtoi ai.
Pallati Buckingham tha se Mbreti Charles, 75 vjeç, ishte “aq krenar për Kate dhe guximin e saj në të folur ashtu siç bëri” për të njoftuar lajmin e saj për kancerin më 22 mars.
Një ditë përpara se videoja e Princeshës Kate të shkaktonte tronditje në mbarë botën, ata ndanë një drekë private në Kështjellën Windsor.
Përveç të qenit Mbreti dhe mbretëresha e ardhshme, ata janë gjithashtu “dy pacientë që kalojnë një përvojë të përbashkët shëndetësore”, thotë një burim mbretëror, duke vënë në dukje se ata “kanë një lidhje të ngushtë mes vete”.
“Unë imagjinoj se ka pasur njëfarë ngushëllimi për Kate duke parë se ishte e mundur të balancoheshin disa informacione private pa qenë imperativ për t’i ndarë të gjitha”, tha Smith.
Lajmi nga Princesha e Uellsit, 42 vjeç, pasoi javë të tëra spekulimesh intensive në mediat sociale për shëndetin dhe vendndodhjen e saj pas operacionit abdominal në janar.
Në kontrast të plotë me njoftimin e shpejtë dhe të qartë të mbretit Charles për kancerin më 5 shkurt, lajmet shëndetësore të Princeshës Kate erdhën pas disa javësh pasigurie dhe konfuzioni.
Historiania mbretërore Amanda Foreman thotë për kaosin, “Kjo ishte dita kur familja mbretërore u rrëzua në tokë dhe ju e kuptoni se ata janë thjesht qenie njerëzore.”
Mes sfidave që gruaja dhe babai i tij kanë të dy kancer – dhe tendosjes që mbetet me vëllain e tij, Princin Harry – Princi William, 41 vjeç, është i përqendruar te familja e tij.
“Do të ketë shumë më tepër presion mbi William, por ai ka qenë gjithmonë i vetëdijshëm për këtë. Ai ka evoluar për të udhëhequr dhe ai po udhëheqë”, tha Foreman pos tjerash.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Mbreti Charles është në gjendje jo të mirë”, thonë burimet pranë pallatit
-
Jeannie Mai akuzon Jeezy-n për abuzim në familje dhe neglizhencë të fëmijëve mes divorcit të vazhdueshëm
-
Dua Lipa “magjike” në tepihun e kuq të “Time 100”
-
Princi William viziton një shkollë angleze me qëllim të trajtimit të stigmës ndaj shëndetit mendor
Lajmet kryesore
-
Konventa e Lirisë – Meta shndërron partinë për të dytën herë në po aq vjet
-
SPAK firmos urdhërarreste për zyrtarë të Kadastrës, dy në burg
-
Çfarë përfiton Tajvani nga paketa e ndihmës së huaj?
-
Pushteti refuzon të ia jep meritat ish presidentes Jahjaga për sigurimin e aparaturës që ka kosto mbi 1 milionë euro