Policia e Kosovës, ka bërë të ditur, se ka liruar për qarkullim rrugën kryesore në qytetin e Graçanicës pasi qytetarët serbë të cilët të mërkurën festuan Ditën e Shën Vidit, të njohur më shumë si Vidovdan, janë shpërndarë.
“Rruga në Graçanicë është liruar”, ka thënë zëdhënësi i Policisë së Kosovës, Baki Kelani.
Vidovdani i cili zakonisht festohej në Gazimestan – dhjetë kilometra larg Prishtinës – këtë vit është mbajtur në Graçanicë kjo pas vendimit të peshkopit, Teodosije Shibaliç.
Dioqeza e Rashkë-Prizrenit ka vendosur për ndryshim lokacioni me arsyetimin e “situatës aktuale të sigurisë”.
Serbët filluan grumbullimin që nga ora 7:00 e mëngjesit të pranishëm në manastirin e Graçanicës janë edhe pjesëtarët e KFOR-it, EULEX-it e Policisë së Kosovës.
Pjesëmarrës në këtë festë ishte edhe Danilo Vuçiç, djali i presidentit serb Aleksandar Vuçiç,
Një ditë më parë Policia e Kosovës njoftoi se ka shtuar masat e sigurisë për festën e Kurban Bajramit dhe Vidovdanit, ndërsa ka publikuar një varg masash që këto festa të shënohen pa incidente.
Policia ka njoftuar se një nga masat është edhe mbyllja e hyrje daljeve në qytetin e Graçanicës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Partia do ribëhet, Meta paralajmëron ata që nuk janë pro tij
-
Hetimet mbi Kadastrën, SPAK zbardh akuzat për 4 të arrestuarit
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Deputeti gjerman skeptik për anëtarësimin e Kosovës në KiE – çështja është Asociacioni
