Deputeti i Aleancës për Ardhmërinë e Kosovës, Pal Lekaj, të mërkurën ka nisur dëshminë e tij në Gjykatën Themelorë në Prishtinë ndaj kryetarit të Kuvendit të Kosovës, Glauk Konjufcës, në rastin për hedhjen e gazit lotsjellës në seancën e Kuvendit të Kosovës, vite më parë.
Lekaj gjatë dëshmisë ka thënë se atij nuk i kujtohet që Konjufca ka hedhur gaz lotsjellës në Kuvend.
“Nuk më kujtohet”, ka pohuar ai.
Deputetit të AAK-së nuk i është kujtuar as çështja se a është ndërprerë mbledhja e kryesisë së Kuvendit të Kosovës.
“Nuk më kujtohet që është ndërprerë, nuk mbaj mend se është ndërprerë ndonjë mbledhje e Kryesisë”, ka shtuar ai.
Lekaj dëshminë e tij do të duhej të jepte më 8 shkurt, por kjo seancë ishte anuluar me arsyetimin se Konjufca ishte angazhuar me punë atë ditë.
Prokuroria Themelore në Prishtinë, më 3 shkurt të vitit 2017, kishte ngritur aktakuzë kundër Glauk Konjufcës, të cilin e ngarkonte me dy vepra penale.
Sipas aktakuzës, Konjufca po akuzohet se më 10 gusht 2016, në Kuvendin e Kosovës në cilësinë e deputetit ka hedhur gazë lotsjellës.
Ai po akuzohet se ka kryer veprën penale “Përdorimi i armës apo mjetit të rrezikshëm” nga neni 375, paragrafi 1 të Kodit Penal, vepër e cila dënohet me burgim prej një deri në tetë vjet.
Konjufca, gjithashtu po akuzohet se gjatë përdorimit të gazit lotsjellës ka penguar personat zyrtarë në kryerjen e detyrave zyrtare, me ç’rast të gjithë personat zyrtarë janë detyruar ta ndërpresin mbledhjen dhe të largohen nga salla.
Për këtë, Konjufca po akuzohet se ka kryer veprën penale “Pengimi i personit zyrtar gjatë kryerjes së detyrave zyrtare” parashikuar nga neni 409, paragrafi 1 të Kodit Penal, vepër e cila dënohet me burgim prej tre muaj deri në tre vjet.
Për dy këto akuza, Konjufca ishte deklaruar si i pafajshëm.
“Për këtë që më akuzoni ndjehem plotësisht i pafajshëm”, ishte deklaruar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nagavci kërkon nga Jasharaj të jetë më i matur me deklaratat
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës
-
KPA shtyn shpalljen e vendimit për ankimimin e Komisionerit Publik ndaj Alfred Ballës
-
Ranucci tregon pse nuk u transmetua pjesa e dytë e ‘Report’ për Shqipërinë
Lajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
I vunë tritol në banesë, KLGJ i cakton 6 muaj mbrojtje gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës