LeBron James nuk është i sigurt nëse ai do të jetë me ekipin kur sezoni 2023-24 të fillojë në vjeshtë dhe po mendon të pensionohet, ka raportuar “Bleacher Report”.
Legjenda e basketbollit ka shumë për të treguar, por vazhdimësia e tij te Lakers (dhe në NBA) është aktualisht e panjohur.
James do të marrë kohën e tij për të vendosur nëse do të rikthehet për vitin e 21-të, edhe pse i kanë mbetur dy vjet dhe 97 milionë dollarë në kontratën e tij.
Gjatë gjithë këtij sezoni, LeBron ka qenë i hapur për dëshirën e tij për të luajtur në NBA me Bronny, djalin e tij të madh, i cili me shumë mundësi do të zgjidhet në NBA 2024.
Këtë sezon, 38-vjeçari dhe 19 herë All-Star kishte mesatarisht 28.9 pikë, 8.3 kërcime dhe 6.8 asistime për lojë, duke i çuar në fund Lakers në finalet e Konferencës Perëndimore, duke i dhënë atij një vend në Ekipin e Tretë të All-NBA.
I pyetur për këtë, LeBron nuk i la dyshimet për të ardhmen e tij.
“Më pëlqen të luaj, më pëlqen të konkurroj. Ka qenë një sezon shumë sfidues. Ka qenë një udhëtim shumë argëtues, por nuk e di… Do të shohim se çfarë do të ndodhë. Nuk e di”, tha ai.
“Kam shumë për të menduar, sinqerisht. Personalisht… nëse do të vazhdoj të luaj basketboll… shumë për të menduar”, vijoi me dyshime rreth të ardhmes ylli i NBA-së, LeBron James.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës
