Kreu i Unionit Kristian-Demokrat (CDU) në Gjermani, Armin Laschet, ka marrë mbështetjen e 77.5% të bordit ekzekutiv të partisë, në një garë për kandidaturën si kancelar.
Përballë tij, kreu i partisë simotër, Unionit Kristian-Social (CSU), Markus Söder, arriti të bindë vetëm 22.5% të bordit.
Të dy kandidatët, i kishin lënë rrugë të hapur për kandidim njëri-tjetrit. Në një konventë të përbashkët midis dy partive, ishte Laschet-i që mori vulën përfundimtare për garim.
Kancelarja në detyrë, Angela Merkel, nuk është përfshirë aspak në proces. Ajo ka preferuar të mos i shprehë preferencat e saj mbi një kandidat. Kjo, në mënyrë për të garantuar një proces tërësisht demokratik.
Në zgjedhjet e 26 shtatorit, pas 16 vjetësh, CDU-ja do të hyjë në zgjedhje me një kandidat të ri.
Kreu i CSU-së, gëzonte një pritje më të mirë në opinionin publik. Gjithsesi, tradita e dyshes CDU-CSU, nuk ndryshoi rrjedhë. Zakonisht, kandidatura për kancelar vjen nga partia mëmë, CDU-ja.
60-vjeçari Laschet, u zgjodh në krye të partisë në janar të vitit 2021.
Söder nuk ka dalë ende për të pranuar humbjen, pas një votimi të vonë gjatë natës. Gjithsesi, përpara fillimit të procesit, ai tha se “do të pranonte çdo vendim të dalë nga konventa.
Tashmë pritet të shihet nëse Laschet-i, do të mund të pasojë Merkelin në Kancelarinë gjermane.
Politikat e tij, mund të shfaqin interes, mbi të gjitha për relatat që mund të krijohen me Rusinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë