Në mbledhjen e shtatë të përbashkët mes qeverisë së Shqipërisë dhe Kosovës, që po mbahet në qytetin e Elbasanit, ministrja e Arsimit dhe Sportit, Evis Kushi, ka bërë të ditur marrëveshjen mbi njehsimin e diplomave dhe gradave shkencore mes dy vendeve.
“Duke u nisur nga interesi ynë, kemi dakordësuar që të lehtësojmë procedurat dhe afatet për njohjen e diplomave, certifikatave apo kualifikimeve”, ka thënë Kushi në mbledhjen e përbashkët mes qeverive.
Sipas saj, “në 20 ditë pune, kryhet njehsimi i plotë i gradave. Marrëveshja bëhet pa efekte financiare. Në një kohë rekord, kemi arritur ta dakordësojmë këtë marrëveshje”.
Gjithashtu ajo ka ravijëzuar se po punohet edhe për Abetaren unike të përbashkët.
Ndërkaq, ministrja e Arsimit, Shkencës, Teknologjisë dhe Inovacionit në Kosovë, Arbërie Nagavci, ka thënë se marrëveshja e arritur shkurton procedurat formale në raport me njohjen e diplomave dhe gradave akademike.
“Lehtësimet janë me interes për qytetarët e dy vendeve, duke inkurajuar mobilitetin e personave me kualifikime e grada të larta”, ka thënë ajo.
Gjithashtu ka shtuar se “jemi të fokusuar të kryejmë njohje reciproke edhe të kualifikimeve në profesionet e rregulluara”.
Për të, është koha që të dy vendet të punojnë së bashku për kurrikula të njehsuara dhe për Abetaren e përbashkët.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”