![](https://albanianpost.com/wp-content/uploads/2022/05/albin-kurti-2.jpg)
Kryeministri i Republikës së Kosovës, Albin Kurti, të hënën e 30 majit, ka pritur në takim ambasadorin e Mbretërisë së Bashkuar në Kosovë, Nicholas Abbott, me të cilin ka biseduar “për çështjet e sigurisë, sfidat që vijnë nga agresioni rus në Ukrainë dhe lufta e zgjatur shkatërrimtare”.
Sipas njoftimit zyrtar të Qeverisë, Kurti e ka falënderuar ambasadorin për kontributin shumëvjeçar në mbështetje të Kosovës.
“Duke shprehur mirënjohjen e Qeverisë së Republikës së Kosovës për ndihmën dhe përkrahjen që Mbretëria e Bashkuar ia ka dhënë Kosovës, kryeministri Kurti ritheksoi përkushtimin për thellim të mëtejmë të partneritetit dhe aleancës së ndërsjelltë”, thuhet në njoftim.
![](https://albanianpost.com/wp-content/uploads/2022/05/albin-kurti-2.jpg)
Në këtë takim gjithashtu janë diskutuar marrëdhëniet bilaterale ndërmjet dy vendeve si dhe mundësitë për bashkëpunim të mëtejshëm.
“Diskutuan për marrëdhëniet shumë të mira bilaterale ndërmjet dy vendeve dhe mundësitë e intensifikimit të mëtejmë të bashkëpunimit, në veçanti në fushën e ekonomisë, kulturës dhe sundimit të rendit e ligjit”.
Kurti gjatë ditës së hënë, priti në takim edhe Komisioneren për të Drejtat e Njeriut të Këshillit të Evropës, Dunja Mijatoviç.
![](https://albanianpost.com/wp-content/uploads/2022/05/284182345_3154180841562033_6781473416825262325_n.jpg)
Në këtë takim u diskutuan të drejtat e njeriut, sundimi i ligjit dhe demokracia.
“Reformat e nisura nga qeveria në drejtësi, sundimin e rendit dhe ligjit, si dhe luftën kundër krimit e korrupsionit. Duke veçuar indikatorët pozitivë ekonomik, ai theksoi përkushtimin e Qeverisë për të kthyer rritjen ekonomike në rritje të mirëqenies për qytetarët, nëpërmjet politikave sociale, që në fokus e kanë qytetarin dhe barazinë shoqërore”, thuhet në njoftimin zyrtar.
Gjithashtu u përmendën nismat e Qeverisë për adresimin e krimeve të kryera gjatë luftës, “gjykimin e këtyre krimeve, zbardhjen e fatit të të zhdukurve me dhunë gjatë luftës dhe luftimin e stigmës ndaj dhunës seksuale gjatë luftës, që ishte përdorur si armë lufte në Kosovë”.
U bisedua edhe për bashkëpunimin rajonal, ndikimin e luftës së Ukrainës, si dhe u theksua nevoja për vëmendje shtesë të Bashkimit Evropian për rajonin e Ballkanit.
Komisionerja Mijatoviç shprehu vlerësimin e saj për programin e qeverisë për pranimin e 20 gazetarëve nga Ukraina duke thënë se “kjo është një iniciativë e çmueshme, që do të duhej shumëfishuar në vendet e tjera të Evropës”.
Gjatë këtij takimi u përmend edhe rritja e shumës së asistencës sociale, rritja e pensioneve, fillimi i zbatimit të programit për shtesa për lehona dhe fëmijë, si dhe studimet falas.
Kryeministri gjithashtu theksoi angazhimin e Qeverisë për avancimin e barazisë gjinore, mbylljen e hendekut gjinor në profesione, dhe mbështetjen në avancimin e vajzave në shkencë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Nis takimi Bislimi – Lajçak
-
Berisha akuzon ‘Home Office’ se ka manipuluar procesin për ta shpallur atë ‘non grata’
-
Sylvinho dhe Gjimshiti analizojnë Kroacinë – Ndeshje e vështirë ku ka rëndësi psikologjia, duhet kurajë
-
AAK-ja premton mbi 1 mijë euro pagë mesatare në sektorin publik, 450 euro pagë minimale