Kryeministri i Kosovës, Albin Kurti, të premten, është takuar me ministrin e Punëve të Jashtme të Sllovakisë, Ivan Korçok, në margjinat e Forumit GLOBSEC në Bratislavë, me ç’rast ka kërkuar nga ky i fundit njohjen e pavarësisë së Kosovës nga Sllovakia.
Gjatë takimit, Kurti dhe Korçok, kanë diskutuar edhe për vendosjen e sanksioneve ndaj Rusisë pas agresionit në Ukrainë.
“Me Korçok diskutuam përafrimin e vendeve tona me të gjitha demokracitë e tjera për sanksionimin e Rusisë. Theksova nevojë që Sllovakia t’i bashkohet shumicës dërmuese të vendeve të BE-së dhe NATO-s në njohjen e Kosovës”, ka shkruar Kurti në rrjetin e tij social në Twitter.
Informative exchange with FM of 🇸🇰 @IvanKorcok at #GLOBSEC2022. We discussed our countries alignment w/ all other democracies on sanctioning Russian invasion of 🇺🇦.
I emphasised the need for Slovakia to join the vast majority of EU and NATO countries in recognizing Kosova. pic.twitter.com/EpYKaRFL7B— Albin Kurti (@albinkurti) June 3, 2022
Kurti të premten është takuar edhe me Emisarin Special të Bashkimit Evropian për dialogun Kosovë-Serbi, Miroslav Lajçak, me të cilin kanë diskutuar çështjen e dialogut dhe temat e tjera rajonale.
Kurti, në kuadër të Forumit GLOBSEC, ka qenë pjesëmarrës edhe në një panel diskutimi me temën “Tani ose kurrë – Duke zhbllokuar të ardhmen evropiane për Ballkanin Perëndimor”, ku me ç’rast ka potencuar se pala kosovare është pala konstruktive në procesin e dialogut.
Sipas tij thelbi i problemit në procesin e dialogut është jo-konstruktiviteti i Serbisë dhe sidomos mohimi i krimeve të luftës dhe gjenocidit, të cilat i ka kryer gjatë luftës së fundit në Kosovë.
“Në procesin e dialogut kam qenë i përkushtuar, konstruktiv dhe kreativ. Fatkeqësisht Serbia po thotë se nuk do të na njohin kurrë dhe përtej kësaj as nuk i marrin parasysh dhe nuk i njohin krimet e kryera në të kaluarën, që të jem i sinqertë kjo e dyta na ofendon më shumë se ajo e para”, ka thënë Kurti.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës