Bregu i Fildisht ka arritur një fitore të thellë përballë Algjerisë, duke eliminuar kampionët në fuqi.
Në ndeshjen e fundit në grupe, Algjeria vinte me një shpresë të vetme për kualifikimin, dhe ajo ishte fitorja.
Mirëpo, kësaj nuk ia arritën, dhe në fakt ishin shumë larg, duke u mposhtur thellë.
Algjeria, që vinte në këtë kompeticion si favorit, zhgënjeu me vetëm një pikë në dy ndeshjet e para.
Sonte, ata u mposhtën edhe përballë Bregut të Fildisht duke e mbyllur garën në vendin e fundit në grupe.
Për Bregun e Fildishtë, kjo ndeshje ishte shumë e lehtë.
Golin e epërsisë ata e gjetën nga këmbët e Franck Kessie, i cili u asistua nga ylli i Arsenal, Nicolas Pepe.
Pak para se të mbyllej pjesa e parë, Sangare shënoi për 2-0.
Nëntë minuta pasi nisi pjesa e dytë, Pepe këtë radhë do të gjente rrjetën vet, i asistuar nga Sebastian Haller.
15 minutë para fundit, Algjeria e gjeti golin, por nuk arriti të bëj asgjë më shumë, duke u eliminuar nga Kupa e Afrikës.
Në ndeshjen tjetër, Gunea Ekuatoriale fitoi 1-0 përballë Sierra Leone, duke siguruar kualifikimin nga vendi i dytë.
Sierra Leone me vetëm dy pikë, nuk arriti kualifikimin si një ndër skuadrat e treta.
Më ndeshjet e grupit F, do të mbyllet edhe faza e grupeve në Kupën e Afrikës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Prezantohet strategjia e menaxhimit të Financave Publike, Gonzato: Prek disa kapituj të integrimit evropian
-
‘Shqipëria përkeqësim në lirinë e shtypit’, Rama: Qeveria e gatshme të marrë të gjitha përgjegjësitë
-
Ministrja gjermane: Rusët janë pas sulmeve kibernetike ‘të pa tolerueshme’ të vitit të kaluar
-
Osmani s’e komenton fare regresin me 19-të vende të Kosovës në lirinë e medias, flet për lajmet e rreme
