Kryqi i Kuq: Vazhdon operacioni i evakuimit në Mariupol

Komiteti Ndërkombëtar i Kryqit të Kuq (CRCI) po punon me Kombet e Bashkuara në një operacion të vazhdueshëm për të larguar njerëzit nga Mariupol dhe fabrika e rrethuar e çelikut Azovstal. Këtë e ka konfirmuar vetë v-ja në një deklaratë.

Sipas deklaratës, kolona për evakuimin e civilëve filloi më 29 prill, përshkoi rreth 230 kilometra dhe arriti në fabrikën në Mariupol të shtunën në mëngjes.

CRCI-ja këmbëngul në faktin se asnjë detaj nuk mund të ndahet derisa situata të lejojë, pasi mund të rrezikojë seriozisht sigurinë e civilëve dhe kolonës. Autoritetet përkatëse lokale po komunikojnë me civilët rreth detajeve praktike.

Këshilli i qytetit të Mariupolit tha të dielën se kishte një “shans” për të evakuuar civilët nga qyteti i rrethuar i Mariupol-it dhe u bëri thirrje njerëzve të mblidheshin në orën 16:00 me orën lokale (9 paradite ET) pranë një qendre tregtare të quajtur “Port City” me qëllim evakuimin e tyre në rajonin jugor të Zaporizhzhia-s.

Një kanal lokal Telegram tha më herët se deri në orën 15:00. sipas kohës lokale, një “korridor i gjelbër” do të ishte i hapur për qytetarët që dëshirojnë të hyjnë në territorin “të kontrolluar nga armiku në rrethin Kamensky”.

Ka rreth 100 mijë njerëz ende në Mariupol, edhe pse pjesa më e madhe e qytetit është dëmtuar rëndë nga bombardimet dhe sulmet ajrore prej javësh nga forcat ruse.

Mariupol është shtëpia e fabrikës së çelikut Azovstal, e cila i është nënshtruar bombardimeve të rënda ruse javët e fundit. Qindra njerëz, dhjetëra prej të cilëve janë plagosur, mendohet se ndodhen brenda kompleksit të prodhimit të çelikut.

Më herët të dielën, agjencitë shtetërore ruse të lajmeve thanë se 46 civilë ishin evakuuar nga afërsia e uzinës, duke cituar Ministrinë ruse të Mbrojtjes.

Raportet e tyre pasuan komentet nga një komandant ukrainas brenda uzinës, i cili tha se disa civilë janë evakuuar nga punimet e çelikut pas futjes së një armëpushimi.

Shpresohej që këta civilë, të gjithë gra dhe fëmijë, të shkonin në “destinacionin e rënë dakord” të Zaporizhzhia-s.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.