![](https://albanianpost.com/wp-content/uploads/2021/09/ardita-sinani-780x439-1.jpg)
Kryetarja e Komunës së Preshevës, Ardita Sinani, ka mirëpritur vendimin e Qeverisë së Kosovës për vendosjen e reciprocitetit në targa me Serbinë.
Ajo përmes një postimi në llogarinë e saj në Twitter ka kërkuar veprime që të do të lehtësonin lëvizjen e qytetarëve të Luginës së Preshevës në Kosovë.
“Mirëpresim çdo vendim që sovranizon Kosovën, siç janë masat e reciprocitetit në lidhje me përdorimin e targave të përkohshme nga qytetarët e Serbisë, Në këtë rast me vendime që do të lehtësojnë lëvizjen e qytetarëve të Luginës së Preshevës në Kosovë”, ka shkruar Sinani.
We welcome any decision that sovereignizes the 🇽🇰, such as reciprocity measures regarding the use of temporary license plates of citizens of the 🇷🇸. In this case with decisions that will facilitate the movement of citizens of the Presevo Valley in the 🇽🇰.
— Ardita Sinani (@SinaniArdita) September 22, 2021
Ndërkaq, mjetet të cilat do të grumbullohen nga pagesat e targave me të cilat do t’iu lejohet hyrja në Kosovë edhe shqiptarëve të Luginës së Preshevës, do të kthehen në donacion për ta.
Kështu ka deklaruar Ilir Kërçeli – shef i kabinetit të kryetarit të Kuvendit të Kosovës, Glauk Konjufca.
![](https://albanianpost.com/wp-content/uploads/2021/09/ilir-kerceli-1.png)
“Të gjitha mjetet të cilat mblidhen nga pagesat e tabelave nga familjet shqiptare nga Lugina e Preshevës, do kthehen donacion për Luginën”, ka shkruar Kërçeli në llogarinë e tij në Facebook.
Kjo pasi që, vënia e reciprocitetit për targat për veturat që hyjnë nga Serbia në Kosovë, është parë si shqetësim nga ana e banorëve të Luginës së Preshevës për shkak të ndërlikimit të qarkullimit të lirë të tyre.
Të hënën e 20 shtatorit, Qeveria e Kosovës ka vendosur masën e reciprocitetit, duke mos lejuar qarkullimin e veturave me targa të Serbisë.
Veturat me këto targa, në hyrje të Kosovës duhet të marrin targa të përkohshme, njësoj siç obligohen qytetarët e Kosovës me targa “RKS” t’i ndërrojnë ato kur futen në Serbi.
Qeveria e Kosovës ka thënë se të gjithë shoferët me targa të lëshuara nga Serbia, duhet të paguajnë pesë euro për targa të përkohshme dhe vlefshmëria e tyre është 60 ditë.
![](https://albanianpost.com/wp-content/uploads/2021/09/tabelat-1-1.png)
“Ju siguroj se veprimet e ndërmarra sot nga organet kompetente për zbatimin e kësaj nuk janë drejtuar kundër qytetarëve serbë, nuk kanë për qëllim të cenojnë lëvizjen e lirë qytetarëve serbë, apo të provokojnë çfarë do destabilizimi”, ka thënë ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani bën thirrje për mbështetjen e Ukrainës: Kosova, pjesë e aleancave që mbrojnë vlerat e lirisë
-
Borrell në finalizim të raportit për masat ndëshkuese ndaj Kosovës
-
Begaj i kërkon homologes moldave të njohë Kosovën sa më parë
-
“Kjo festë na sjell ndërmend sakrificën e solidaritetin”, Konjufca uron Kurban Bajramin