Në një takim të jashtëzakonshëm të thirrur të martën e 11 janarit, në kuadër të zhvillimeve të fundit në Kazakistan, Organizata e Shteteve Turke përsëriti gatishmërinë e saj për të mbështetur vendin e Azisë Qendrore në tejkalimin e krizës.
Takimi virtual i ministrave të jashtëm u kryesua nga ministri i Jashtëm turk, Mevlut Cavusoglu, me të pranishëm Mukhtar Tileuberdi i Kazakistanit, Ruslan Kazakbaev i Kirgistanit, Abdulaziz Kamilov i Uzbekistanit dhe Peter Szijjarto i Hungarisë.
Ministri i Jashtëm i Turkmenistanit, Rashid Meredov, dhe sekretari i Përgjithshëm i Organizatës së Shteteve Turke, Bagdad Amreyev, gjithashtu iu bashkuan takimit.
Organizata dënoi aktet e dhunës, për të cilat tha se “minon rendin publik”.
Gjithashtu theksoi “rëndësinë e respektimit të normave dhe parimeve bazë të së drejtës ndërkombëtare dhe mbështeti operacionet kundër-terroriste të qeverisë së Kazakistanit kundër terroristëve, radikalëve, ekstremistëve dhe kriminelëve, të cilët synojnë të shkatërrojnë rendin kushtetues”.
Shtetet anëtare “përsëritën gatishmërinë e tyre për të mbështetur popullin dhe qeverinë e Kazakistanit, sipas nevojës, për të kapërcyer krizën aktuale”.
Ata ranë gjithashtu dakord të “mbesin në bashkëpunim dhe konsultim të ngushtë” me Kazakistanin dhe shprehën mbështetje për agjendën e reformave të Presidentit të Kazakistanit, Kassym-Jomart Tokayev “për të rritur më tej mirëqenien dhe prosperitetin e popullit”.
Javën e kaluar, Tokayev shpalli gjendjen e jashtëzakonshme në vazhdën e protestave kundër dyfishimit të çmimeve të gazit të lëngshëm të naftës.
Më vonë ai kërkoi ndihmë nga Organizata e Traktatit të Sigurisë Kolektive, një bllok ushtarak i udhëhequr nga Rusia, i cili dërgoi trupa për të shuar trazirat.
Marrë nga Anadolu Agency, përshtatur për Albanian Post
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Qoku me akuza rënda për liderët e “Frontit Evropian”: E kanë Vuçiçin, ne kemi Albinin
-
Izraeli mësyn Rafahun, ka pasur shpërthime të shumta
-
Erdogan i kërkon Perëndimit të bindë Izraelin të pranojë armëpushimin
-
Taravari, simpatizantëve të “VLEN-it: Pata ofertë nga Ahmeti, zgjodha të jem me ju – bashkëpartiakët e mi s’munden ta refuzojnë
Lajmet kryesore
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Hamasi pranon armëpushimin për Gazën, Izraeli jo
