“Besoj që një ministër i tillë duhet të shkarkohet”, ka deklaruar Abelard Tahiri, Shef i Grupit parlamentar të PDK-së, në një konferencë për medie, të hënën, pas mbajtjes së takimit me Kryesinë e Kuvendit, duke kërkuar shkarkimin e ministrit për Komunitete dhe Kthim, Goran Rakiç.
“Një ministër që bën deklarata kundrejt qeverisë së vendit të cilin e përfaqëson, normalisht nuk e ka vendin në atë qeveri”.
Tahiri ka ripërsëritur qëndrimin e Partisë Demokratike të Kosovës karshi organizimit të zgjedhjeve për referendumin e Serbisë edhe në territorin e Kosovës, duke shtuar se e rëndësishme është që ne të mbrojmë kushtetutën e Kosovës.
“Ndërsa sa i përket çështjes së organizmit të zgjedhjeve të Serbisë është çështje e brendshme e Serbisë se si i organizon, neve na mbetet të mbrojmë kushtetutshmërinë e vendit tonë”.
“Ne nuk duhet të lejojmë në as një rrethanë të organizohen zgjedhje nga një shtet tjetër në vendin tonë, të cilat e shkelin sovranitetin dhe rendin tonë kushtetues”.
“Është pak e rëndësishme çka thonë at, është e rëndësishme që ne të jemi në krye të detyrës dh si grup parlamentar i PDK-së, si subjekt politik, ne padyshim që do të kërkojmë me ngulm që të respektohet sovraniteti dhe kushtetutshmëria jonë”.
“Ne në të kaluarën kemi bërë kompromise si rezultat i një fqinjësi të mirë, por po e shohim qëllimin jo të mirë të Serbisë në raport me Republikën e Kosovës dhe unë mendoj që kushtetutshmëria jonë të zbatohet në përpikëri”.
Shefi i Grupit Parlamentar i Aleancës për Ardhmërinë e Kosovës, Besnik Tahiri, në një përgjigje për media komentoi “kërcënimin” e ministrit serb në Qeverinë e Kosovës, i cili pas moslejimit të referendumit serb brenda Kosovës, tha se “do të kundërpërgjigjemi me reciprocitet”.
Tahiri madje e shpërfilli edhe pyetjen si “kërcënim”, duke thënë se se “s’ka kurrëfarë kërcënimi” nga kjo gjë, se reciprociteti nuk është kërcënim por qëndrim politik.
Sipas tij, Goran Rakiç duke qenë se është ministër në qeverinë e Kosovës, këtë gjë duhet t’ia adresojë Kryeministrit Albin Kurti, dhe pastaj ai të vendosë se a duhet ta mbajë Rakiçin në kabinet apo jo.
“Unë i ftoj qytetarët serbë të Kosovës të reflektojnë. Ta kuptojnë se Kosova është shtet i qytetarëve të saj, dhe ta pranojnë këtë si fakt”.
“Serbia tash e shumë dekada nuk e ndalon agjendën e saj kundër Kosovës, e veçanërisht Vuçiçi. Ne e dimë historinë e tij politike, edhe si ministër i Millosheviçit”, vazhdoi Tahiri.
Ai gjithashtu komentoi edhe votimin e rezolutës kundër mbajtjes së referendumit serb brenda Kosovës, për të cilën tha se veprimi i deputetëve në seancë ka qenë obligim, për të cilën gjë edhe janë betuar.
Për ndalimin e referendumit serb në Kosovë, Besnik Tahiri tha se “argumentet janë në anën tonë”.
“Qeveria duhet të bëjë shpjegim për opinionin e brendshëm, por edhe për opinionin e jashtëm për partnerët strategjik të Kosovës, por jo me mendjemadhësi, as kryelartësi, por me argumente. Dhe argumentet janë në anën tonë”, u shpreh deputeti i AAK-së.
Një ditë më parë, të dielën e 16 janarit, Kryetari i Listës Serbe, Goran Rakiç, në një konferencë për media në pjesën Veriore të Kosovës ku serbët lokal duke shprehur pakënaqësitë e tyre për moslejimin e mbajtjes së Referendumit në Kosovë po organizojnë një protestë simbolike, ka potencuar se kryetarët e 10 komunave me shumicë serbe në Kosovë do të vendosin reciprocitet në Veri të vendit nëse Qeveria e Kosovës nuk e lejon mbajtjen e zgjedhjeve presidenciale serbe të 3 prillit.
“Nëse me 3 prill nuk lejohen zgjedhjet e Serbisë në Kosovë, atëherë do të vendoset reciprocitet dhe masat do të jenë serioze”, kishte thënë Rakiç.
Sipas tij, ky lloj reciprociteti do të bëhet vetëm në komunat e Mitrovicës së Veriut, duke shtuar se më pas do të vendoset edhe në komunat tjera.
Rakiç nuk e ka mohuar mundësinë e vendosjes së barrikadave në pjesën Veriore të vendit, kur është pyetur nga gazetarët për një gjë të tillë.
“Nuk mund të përgjigjem është një pyetje hipotetike, por gjithçka është e mundur”, kishte shtuar ai.
“Ashtu siç na trajton Prishtina, ashtu do t’i trajtojmë edhe ne”, ka vazhduar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”