Shërbimi Spitalor Klinik dhe Universitar i Kosovës, ka pranuar donacion në vlerë 300 mijë dollarësh nga Zyra për Bashkëpunim dhe Mbrojtje në Ambasadën Amerikane në Prishtinë.
Donacioni është dhuruar në kuadër të ndihmesës për luftimin e pandemisë së COVID-19.
Ministri i Shëndetësisë, Arben Vitia, pas pranimit tha se ky donacion tregon se, sa me rëndësi është solidariteti në mes nesh dhe miqve ndërkombëtar.
Major Ryan D. Conley, lavdëroi punën e punëtorëve shëndetësorë, duke shtuar se pajisjet e dhuruara do të ndihmojnë profesionistët shëndetësorë për të përballuar më lehtë valën e re të mundshme të pacientëve me COVID.
Sipas Vitisë, “këto pajisje të reja do të ndihmojnë profesionistët shëndetësorë në punë e tyre”.
“Donacioni përfshinë; ultrazë, monitorë për pacientë, flometra, rregulatorë të oksigjenit, CPAP maska, analizatorë të gazrave”, thuhet në njoftim e Ministrisë së Shëndetësisë.
Ndryshe, Ambasada e Shteteve të Bashkuara të Amerikës në Kosovë, në mënyrë që të mposhtet pandemia ka apeluar për vaksinim kundër COVID-19, duke shkruar “mos bini pre e dezinformatave sepse vaksinat janë të sigurta dhe efektive”.
Përmes një postimi në faqen zyrtare, kjo ambasadë ka shkruar se vaksinimi është e vetmja zgjidhje për të dalë nga pandemia.
Kosova të mërkurën e katër gushtit është furnizuar me mbi 38 mijë doza të reja të vaksinës anti-COVID nga kompania AstraZeneca.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama: Kush flirton me korrupsionin nuk ka punë me ne, por me drejtësinë
-
Këshilli Evropian jep dritën jeshile për instrumentin e ri të rritjes ekonomike në Ballkanin Perëndimor
-
Loja “e fshehtë” e Netanyahut, i cili ka frikë të humbasë koalicionin nëse dorëzohet tani
-
Kosova e Serbia s’mund të përfitojnë nga miliardat e BE-së pa i normalizuar raportet