Rreth katër mijë studentë do të vendosen në Qendrën e Studentëve të Universitetit të Prishtinës “Hasan Prishtina”, për vitin akademik 2021-2022.
Por, studentët të cilët dëshirojnë të bëhen pjesë e kësaj qendre duhet t’i plotësojnë disa kritere që i parasheh QSK-ja.
“Kriter kryesor për pranim në konvikte dhe mensë në Qendrën e Studentëve, është se studenti duhet të jetë i rregullt në studimet themelore në Universitetin e Prishtinës, komuna e të cilëve është 25 km e më larg nga Prishtina dhe nota mesatare e studimeve”, thuhet në përgjigjen për Albanian Post nga zyra për informim e Qendrës së Studentëve.
Nga kjo qendër janë zotuar se janë plotësuar të gjitha kushtet dhe rekomandimet e Ministrisë së Shëndetësisë dhe Institutit Kombëtar të Shëndetësisë Publike të Kosovës.
“Qendra e Studentëve ka marr të gjitha masat në bazë të rekomandimeve nga IKSHPK-ja dhe këtë vit do të punojë më kapacitet të plotë. Kemi bërë gjitha përgatitjet e nevojshme për organizmin e jetës studentore në Qendrën e Studentëve duke përgatitur një Udhëzues për sjelljen e studentëve dhe personelit konform rekomandimeve të MSH-IKSHPK-së”, është bërë e ditur nga Qendra e Studentëve.
Konkursi për pranimin e studentëve në konvikte ka qenë i hapur nga data 13 deri më 19 shtator dhe kanë aplikuar 5 mijë studentë.
Ndërsa, studentët kanë të kohë për ankesa dy ditë pas publikimit të rezultateve që të ankohen, e që ankesat do të shqyrtohen nga Komisioni.
“Për shkak që regjistrimi i studentëve të rinj për këtë vit akademik është ende në proces, shifrat zyrtare të studentëve të regjistruar janë në përpunim e sipër dhe do të finalizohen pas përfundimit të tërë procesit, kanë thënë nga Universiteti i Prishtinës”, “Hasan Prishtina”.
Interesim më i madh i maturantëve për t’u bërë pjesë e Universitetit Publik është në Fakultetin e Mjekësisë, në Fakultetin e Edukimit dhe Fakultetin Ekonomik.
“Programet studimore me numrin më të madh të aplikimeve, në afati e parë të konkursit janë: programet në Fakultetin e Mjekësisë, në veçanti programi Mjekësi e Përgjithshme, ku raporti i aplikimeve me vendet e lira në konkurs është 6:1 dhe programi i Edukimit Fillor në Fakultetin e Edukimit”, thuhet në përgjigjen me shkrim për Albanian Post nga Universiteti i Prishtinës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”