Shpërthimit të madh të coronavirus-it, lideri i Koresë Veriore, Kim Jong Un, i është përgjigjur me mobilizim ushtarak për të shpërndarë medikamente në betejën kundër virusit.
Për herë të parë që nga java e kaluar, Korea Veriore lajmëroi betejën kundër shpërthimit të COVID-19, me thirrje të ekspertëve se virusi mund të rrënojë vendin me sasi të limituara në rrafshin shëndetësor, raportoi Al Jazeera.
Në atë që u interpretua si shenjë e seriozitet të situatës, lideri suprem i Koresë “i kritikoi fuqishëm” zyrtarët e shëndetësisë.
Urdhri erdhi pasi Koreja e Veriut raportoi 392,920 njerëz më shumë me simptoma të etheve, me tetë vdekje të reja.
Shifrat shtesë e çojnë numrin e të prekurve nga ethet e Koresë së Veriut në 1 miliard e 213 mijë e 550, me 50 vdekje deri të dielën.
KCNA nuk tha se sa infeksione të dyshuara kishin rezultuar pozitive për COVID-19.
Në Korenë e Jugut fqinj, presidenti Yoon Sul-yeol tha se qeveria e tij nuk do të kursejë asnjë përpjekje për të ndihmuar Veriun të luftojë shpërthimin e tij.
Ai i tha parlamentit të hënën se qeveria e tij ishte e gatshme të ofronte vaksina kundër COVID-19 dhe mbështetje tjetër mjekësore nëse Pheniani bie dakord.
“Ne nuk duhet të ndalemi në ofrimin e ndihmës së nevojshme për popullin e Koresë së Veriut, i cili është i ekspozuar ndaj kërcënimit të coronavirus-it”, tha Yoon gjatë fjalimit të tij të parë për buxhetin në Asamblenë Kombëtare.
“Nëse autoritetet e Koresë së Veriut pranojnë, ne nuk do të kursejmë asnjë mbështetje të nevojshme, si ilaçet, duke përfshirë vaksinat për COVID-19, pajisjet mjekësore dhe personelin e kujdesit shëndetësor”, tha ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
