Ministri i Mbrojtjes, Ejup Maqedonci, në kuadër të konferencës “Defense24” kushtuar çështjeve të mbrojtjes dhe sigurisë, takoi homologun polak, Władysław Kosiniak-Kamysz, të cilin e informoi për situatën e sigurisë në Kosovë, posaçërisht në dritën e militarizimit të Serbisë përgjatë vijës kufitare, por edhe rreth mbështetjes së Qeverisë së Kosovës për Ukrainën.
“Ministrin Kamysz e informova rreth situatës së sigurisë në vend dhe rajon, gjersa shpreha dhe shqetësimin tim për militarizimin e Serbisë dhe 48 bazat e ushtrisë dhe gjandarmërisë serbe të vendosura përgjatë vijës kufitare me Kosovën”, njoftoi Maqedonci nëpërmjet një postimi në “Facebook” të hënën, derisa përmendi edhe sulmin e paramilitarëve serbë vitin e kaluar.
“Duke qenë të vetëdijshëm se lufta në Ukrainë kërcënon sigurinë e përgjithshme të Evropës, theksova që Kosova do të vazhdoj të ofroj mbështetjen e pakursyer për Ukrainën brenda kapaciteteve tona shtetërore”, shtoi ministri kosovar, i cili është duke marrë pjesë në konferencën më të rëndësishme të sigurisë dhe mbrojtjes në Evropën Qendrore dhe Lindore.
Ndryshe, ministri i Mbrojtjes së Polonisë, në një takim me ushtarët e kontigjentit polak të Forcës së NATO-s në Kosovë (KFOR) në mars të këtij viti, deklaroi se kudo që nevojitet prania e ushtarëve dhe oficerëve polakë, ata do të jenë atje për të ruajtur paqen dhe sigurinë, duke përmbushur kështu detyrat që burojnë nga dispozitat e Aleancës Veri-Atlantike.
Pjesëmarrja në misionin paqeruajtës të KFOR-it shënon një nga misionet e para të ushtrisë polake brenda NATO-s. Në Kosovë ndodhet kontingjenti më i madh polak në krahasim me prezencën në vendet tjera – Rumani, Letoni dhe Turqi – me rreth 250 ushtarë, ndërsa përveç kontingjentit ushtarak, në Kosovë është i pranishëm edhe një kontingjent policor.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Kosova dhe ShBA-ja nënshkruajnë marrëveshje kundër manipulimit të informacionit nga shtetet e huaja
-
Promovimi i barazisë, përfshirjes sociale dhe mosdiskriminimit në Shqipëri
-
Parashikimi i motit, 19 maj 2024
Lajmet kryesore
-
Është “minimizuar” mundësia për të marrë antidepresivë pa recetë – Intervista e Albanian Post me Sadik Lalën, psikiatër
-
Promovimi i barazisë, përfshirjes sociale dhe mosdiskriminimit në Shqipëri
-
Kush janë hebrenjtë ultraortodoksë dhe pro-palestinezë?
-
Mustafa: Ndërkombëtarët s’po e kërkojnë Asociacionin tim e të Thaçit, por Zajedincën e Kurtit