“Konflikti me Rusinë”, Blinken mbërrin në Ukrainë

Sekretari amerikan i Shtetit, Antony Blinken, ka mbërritur në Ukrainë, mëngjesin e 18 janarit. Kjo mes frikës në rritje se një pushtim rus atje mund të jetë i afërt.

Blinken do të zhvillojë diskutime me presidentin, Volodymyr Zelensky në Kiev, përpara se të takohet me homologët e tij britanikë, francezë dhe gjermanë në Berlin.

Të premten e 21 janarit, ai do të takohet me ministrin e Jashtëm rus, Sergei Lavrov, në Gjenevë.

Rusia, nga ana tjetër, ka mohuar në mënyrë të përsëritur çdo plan për të nisur një sulm ndaj Ukrainës fqinje.

Megjithatë zyrtarë të lartë amerikanë thanë se, Moska mund ta nisë pushtimin në “çdo moment”.

Sekretarja e shtypit e Shtëpisë së Bardhë, Jen Psaki, u tha gazetarëve së vendosja e dhjetëra mijëra trupave nga Rusia pranë kufirit të saj me Ukrainën kishte krijuar një “situatë jashtëzakonisht të rrezikshme”.

Turneu diplomatik pason bisedimet jopërfundimtare midis Moskës dhe vendeve perëndimore javën e kaluar.

Zyrtarët e Departamentit të Shtetit thonë se, Blinken do të kërkojë “të përforcojë angazhimin e Shteteve të Bashkuara të Amerikës, ndaj sovranitetit dhe integritetit territorial të Ukrainës”.

Diplomati i lartë amerikan pritet të mbështesë aleatët perëndimorë për të imponuar atë që zyrtarët e quajtën “pasoja masive dhe kosto të rënda ekonomike për Rusinë” nëse ndodh një pushtim.

Ministrja e Jashtme gjermane, Annalena Baerbock, ka sinjalizuar tashmë se çdo përshkallëzim i mëtejshëm “do të kishte një çmim të lartë për regjimin rus”, gjatë një vizite në Kiev.

Por ministri i mbrojtjes i Ukrainës, Oleksii Reznikov u kërkoi Qeverive perëndimore të vendosin sanksione të menjëhershme ndaj Moskës.

Kriza në Ukrainë

Kriza e Ukrainës është një luftë për pushtet midis fraksioneve brenda saj. Njëri prej fraksioneve dëshiron të rreshtohet me Bashkimin Evropian dhe tjetri me Rusinë.

Si një nga shtetet themeluese të Bashkimit Sovjetik, Ukraina ka qenë një kontribues i rëndësishëm në ekonominë e Bashkimit Sovjetik midis viteve 1920–1991.

Në mars të vitit 2014, kriza aktuale shpërtheu kur forcat speciale ruse pushtuan gadishullin e Krimesë të Ukrainës.

Rusia pretendoi se po mbronte hyrjen e saj në portit e Detit të Zi.

Ukraina kishte planifikuar të zhvillonte rezervat e gazit natyror të Krimesë në dy vite në një partneritet me kompanitë amerikane.

Nëse do ta kishte arritur këtë, Rusia do të kishte humbur një nga klientët e saj më të mëdhenj.

Midis 2014–2018, një konflikt ushtarak midis ushtarëve ukrainas dhe separatistëve të mbështetur nga Rusia vazhdoi në Ukrainën lindore. Më shumë se 10 mijë njerëz u vranë.

Kritikët në takimin e Këshillit të Sigurimit të OKB-së thanë se sulmi i Rusisë ishte një shkelje sipas ligjit ndërkombëtar.

Organizata e Traktatit të Atlantikut të Veriut (NATO) rriti praninë e saj ushtarake në zonë.

Shpjegimi i konfliktit

Sulmi i Putin-it iu përgjigj përmbysjes së aleatit të tij Viktor Janukoviç me 23 shkurt 2014. Fraksioni pro-Perëndimor i Parlamentit të Ukrainës mori qeverinë.

Kriza ndodhi sepse Yanukoviç keqmenaxhoi buxhetin dhe e detyroi Ukrainën të kërkonte ndihmë financiare.

Ai i bëri thirrje BE-së, pastaj Rusisë, duke shkaktuar kështu trazira politike. Ata që donin të ishin më pranë BE-së kundërshtuan kur ndihmën nga Rusia.

Greva ushtarake e Rusisë mbështeti kthimin e Janukoviç në Kiev dhe lidhjet më të ngushta me të.

Në prill të 2014-ës, Rusia mbështeti rebelët lokalë të cilët morën bashkitë e qytetit dhe stacionet e policisë në të gjithë Ukrainën lindore.

Ukraina lindore ishte shtëpia e rusëve etnikë të cilët nuk dëshironin të ishin pjesë e BE-së. Ata u zhvendosën atje nga Joseph Stalin, i cili synonte të forconte qëndrimin e Republikës Sovjetike në zonë.

Më parë atë muaj, NATO zbuloi foto satelitore që tregojnë pushtimin e Rusisë në kufirin lindor të Ukrainës.

Një takim urgjent i BE-së shtoi sanksione të mëtejshme mbi sektorët e naftës dhe bankave të Rusisë.

Kjo ndodhi menjëherë pasi Rusia dërgoi një autokolonë kamionësh mbi kufirin.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.