Kompania franceze e fluturimit, në gjyq për rrëzimin e avionit

Një Gjykatë e Apelit në Paris vendosi që Air France dhe Airbus duhet të përballen me një gjyq mbi rrëzimin e një avioni Airbus A330 në qershor të 2009-ës.

Fluturimi “AF447” ishte rrugës nga Rio de Janeiro për në Paris, kur u përmbys në Oqeanin Atlantik gjatë një stuhie, duke vrarë të gjithë të pranishmit në bord.

Prokurorët sfidojnë vendimin e mëparshëm

Vendimi, për të vazhduar me një gjyq kundër Air France dhe Airbus, erdhi me kërkesë të Prokurorit të Përgjithshëm.

Fillimisht, kërkesa e prokurorit të Parisit kishte qenë që vetëm Air France të përballej me akuza vrasjeje.

Sidoqoftë, të dy ekipet kishin kundërshtuar një vendim të vitit 2019-ës nga dy gjyqtarët hetues për të hequr akuzat.

Hetuesit thanë se rrëzimi ishte shkaktuar gjithashtu nga pajisjet e gabuara të monitorimit të shpejtësisë.

Ekipi i hetimit përcaktoi që ekuipazhi kishte keqpërdorur humbjen e leximeve të shpejtësisë nga sensorët që ishin bllokuar me akull.

Prokurorët akuzojnë në mënyrë indirekte Air France për shkaktimin e tragjedisë.

Familjet e mirëpresin vendimin

“Është një kënaqësi e madhe, sepse më në fund jemi dëgjuar nga gjykatat”, tha Daniele Lamy, president i një shoqate të familjeve të viktimave.

Avokatët, që përfaqësojnë Airbus, menjëherë thanë se ata do të paraqesin një apel.

U deshën dy vite që të gjendeshin mbetjet e avionit Airbus A330. Ato u gjetën përfundimisht nga nëndetëset e telekomanduara në një thellësi prej 3 mijë e 900 metrash.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.