Agjencia e Statistikave të Kosovës (ASK), ka organizuar debat publik në lidhje me projektligjin e Regjistrimit të Popullsisë, Ekonomive Familjare dhe Banesave në Kosovë.
Në debat u tha se “regjistrimi i popullsisë për vitin 2022, ndryshe nga herat e tjera, do të jetë më cilësor”.
Sipas kësaj agjencie, rreth 960 milionë të dhëna pritet të regjistrohen në databazë.
Ministri i Financave, Punës dhe Transfereve, Hekuran Murati, ka thënë se regjistrimi i popullsisë do të shkurtojë kohën dhe do të ofrojë siguri në mbrojtjen e të dhënave.
“Regjistrimi i popullsisë do t’iu ofrojë një pasqyrë për përgatitjen e analizave, apo përpilimin e projekteve kapitale. Regjistrimi po ashtu do të ndikojë në hartimin e politikave. Ky do të jetë më cilësor, teknologjia që do të aplikohet do të jetë më i mirë”, është shprehur Murati.
Sipas tij, regjistrimi i popullsisë 2022, “do të mbulojë një boshllëk me të dhëna duke krijuar një bazë solide për hartimin zbatimin dhe monitorimin e një game të gjerë të politikave publike të cilat do të kenë ndikimin e drejtpërdrejt në mirëqenie”.
“Do të angazhohemi në rritjen e besueshmërisë, pjesëmarrjen aktive të qytetarëve e në garantimin e përdorimit të këtij informacionit në gjëra të mira”, shtoi ai.
E pranishme në këtë debat ishte edhe Zëvëndëskryeministrja, Emilia Rexhepi, e cila ka thënë se “Qeveria e Kosovës është e interesuar në këtë projekt, edhe pse pandemia COVID-19 ka bërë ndërprerje dhe pothuajse nuk ka të dhëna të sakta, do të jap kontributin tim”.
Në anën tjetër, Zëvendëskryeshefi ekzekutiv i ASK-së, Ilir Berisha, ka thënë se “projektligji në sigurimin e të dhënave do të mundësojnë planifikim dhe zbatim të politikave zhvillimore, krijimin e bazës për të dhëna statistikore mbi karakteristikat demografike dhe socio-ekonomike në vend e hulumtime shkencore”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’