Kërkimet për sulmues, Arsenali përpilon listën me 9 emra

Arsenal-i thuhet se po vlerëson aftësitë e nëntë sulmuesve të ndryshëm përpara afatit kalimtar të verës.

“Topçinjtë” janë aktualisht golashënuesit më të mirë në Premier League, duke shënuar 70 herë në 28 ndeshje dhe pesë më shumë se kushdo tjetër në ligë.

Megjithatë, në vend që pjesa më e madhe e këtyre golave të vinin nga një qendërsulmues, ato janë ndarë në të gjithë skuadrën, me Bukayo Saka (13) i vetmi lojtar që arrin shifra dyfishe.

Lojtarë të tillë si Gabriel Jesus (4), Kai Havertz (8), Eddie Nketiah (5) dhe Leandro Trossard (7), që të gjithë janë paraqitur në mes të sulmit në një fazë, nuk kanë treguar qëndrueshmërinë e nevojshme për të mbajtur atë rol.

Si i tillë, Mikel Arteta tashmë ka lënë të kuptohet se ai është në treg për një sulmues të ri, pavarësisht nëse Arsenal-i është në gjendje t’i japë fund pritjes së tyre të gjatë për të fituar një tjetër kurorë në Premier League.

Sipas “football.london”, ylli i Sporting Lisbonës, Viktor Gyokeres është një nga emrat që figuron në krye të listës së ngushtë.

Ish-lojtari i Coventry City ka kontribuar tashmë me 36 gola dhe 14 asistime nga 39 paraqitje këtë sezon dhe tani pritet që Sporting të marrë një sërë ofertash gjatë verës.

Ivan Toney i Brentford thuhet se mbetet në radarin e tyre, pavarësisht nga mundësia që të kushtojë më shumë se Gyokeres. E njëjta gjë vlen edhe për Victor Osimhen të Napoli-t, i cili pritet të largohet nga italianët në fund të sezonit.

Një tjetër emër që thuhet se është përmendur është Santiago Gimenez i Feyenoord-it, meksikani që ka shënuar 21 gola në 25 ndeshje në Eredivisie këtë sezon.

Brian Brobbey ka impresionuar në një skuadër të “dobët” të Ajax-it, duke shënuar 16 gola dhe shtatë asistime nga 25 paraqitje.

Drejtori sportiv i Arsenal-it, Edu, po i kushton vëmendje edhe lojtarëve në Bundesliga.

Lois Openda ka qenë një emër i shquar për RB Leipzig me 23 gola në ligën më të mirë të Gjermanisë dhe në Champions League. Victor Boniface i Leverkusen ka 10 gola dhe shtatë asistime nga vetëm 16 paraqitje në Bundesliga.

Ndërkohë, “The Mirror” shton se Benjamin Sesko është një tjetër lojtar që po merret në konsideratë. Slloveni nuk është i rregullt gjatë sezonit të tij të parë me Leipzig.

Sulmuesi i Porto-s, Evanilson, i cili së fundmi u përball me Arsenal-in në dy ndeshjet e 1/16 të Champions League, thuhet se e kompleton listën pasi ka realizuar 20 gola në të gjitha garat.

Arsenal-i do të kërkojë të kompensojë çdo tarifë të paguar për objektivin e tyre të zgjedhur përmes shitjeve të lojtarëve, pasi tashmë pretendohet se Nketiah mund të shitet, me tre klube të Premier League që tashmë monitorojnë situatën.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.