Me moton “Kuvend për punë jo për show”, Instituti Demokratik i Kosovës (KDI), ka kërkuar nga të gjithë deputetët e Kuvendit të Kosovës që gjatë seancës së ditës së mërkure, t’i anashkalojnë inatet politike e t’i votojnë katër marrëveshjet ndërkombëtare.
“Këto marrëveshje nuk po arrin të miratohen për shkak të mungesës së kuorumit”, thuhet në njoftimin e këtij instituti.
Sipas Kushtetutës së Kosovës ratifikimi i marrëveshje ndërkombëtare kërkon 2/3 e votave të deputetëve, prandaj Instituti kërkon pajtueshmëri më të gjerë në mes të grupeve parlamentare për t’i miratuar ato, pasi që shumica parlamentare nuk i ka votat që t’i kalojë këto marrëveshje.
“Instituti konsideron se një qasje bashkëpunuese mes shumicës parlamentare dhe opozitës e promovuar dhe e kultivuar nga shumica, duhet të mbizotërojë në angazhimin e përbashkët për çështje që shkojnë përtej interesave partiake dhe kontribuojnë në rritjen e mirëqenies së qytetarëve”,
Ndryshe, të hënën ka dështuar votimi i Projektligjit për Ratifikimin e Amendamentimit të Marrëveshjes ndërkombëtare me Bankën Evropiane për Investime (BEI), për financimin e Projektit për rehabilitimin e linjës hekurudhore 10.
Ani pse në kuvend ishin të pranishëm 93 deputetë, vetëm 71 votuan pro.
Pra mungesa e votave të opozitës e pamundësoj ratifikimin e këtij projektligji.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri i Jashtëm i Kinës i thotë Blinkenit se marrëdhëniet me SHBA-të mund të rrëshqasin në një “spirale rënëse”
-
Trupat amerikane nisin ndërtimin e skelës detare në Gaza, ndërsa pyetjet mbeten mbi shpërndarjen
-
Kolegji në Kaliforni anulon ceremoninë e diplomimit, mes protestave për luftën e Izraelit në Gaza
-
ByteDance: TikTok më mirë mbyllet, se sa shet aksionet në SHBA