Një tjetër futbollist nga Kosova është bashkuar me ish-kampionët e Sllovenisë, Mura.
Bëhet fjalë për kapitenin e kombëtares U21 të Kosovës, Leard Sadriun, i cili gjatë ditës së sotme (e marte) u transferua te Mura nga skuadra e Shkëndijës së Tetovës.
Lajmin e kanë bërë të ditur vetë klubi nga Sllovenia, të cilët njoftuan se e kanë transferuar Sadriun me parametra zero.
“Kapiteni i Kombëtares së Kosovës U21, Leart Sadriu, është duke u zhvendosur në Carno-Beylin”, thuhet fillimisht në njoftimin e Mura-s.
𝐋𝐞𝐚𝐫𝐝 𝐒𝐚𝐝𝐫𝐢𝐮 𝐣𝐞 𝐜̌𝐚𝐫𝐧𝐨-𝐛𝐞𝐣𝐥𝐢!
Nova moč v obrambni vrsti – https://t.co/EVJ456in7j#čarnobejli #mismomura #PrvaLigaTelemach pic.twitter.com/HtbUregNQ1
— NŠ Mura (@nsmura_ms) September 6, 2022
“Ne i shtuam një emër të ri ekipit. Qendërmbrojtësi Leard Sadriu po kalon te Mura nga Shkëndija. Ai është një futbollist premtues që do ta ashpërsojë konkurrencën në radhën e pasme, pasi në moshën 21-vjeçare tashmë ka bërë 76 paraqitje në futbollin e klubeve dhe është edhe kapiten i Kombëtares së Kosovës deri në moshën 21 vjeçare”, shkruan klubi slloven.
Kujtojmë që për ekipin e Mura-s luan edhe futbollisti tjetër kosovar, Mirlind Daku. Ai deri më tani ka shënuar katër gola në tetë ndeshjet e para në ligën sllovene.
Ndërsa, Mura aktualisht mban vendin e katërt në ligën sllovene me 10 pikë të grumbulluara.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit
