Reperi Kanye West nuk do të performojë në Grammy për shkak të “sjelljes së tij online”.
Nga sa raportohet, ekipi i tij ka marrë një telefonatë duke u informuar se për shkak të “sjelljes online”, ai nuk do të jetë pjesë e formacionit të artistëve që do të performojnë.
Vendimi nuk e ka befasuar ekipin, nisur nga një i fundit i Instagram-it për të pezulluar llogarinë e reperit për 24 orë “për shkelje të vazhdueshme të politikës për bullizmin, ngacmimin dhe gjuhën e urrejtjes”.
Por ka edhe arsye të tjera se pse një performancë e Kanye West në një rrjet televiziv live mund të jetë e rrezikshme.
Bazuar vetëm në postimet në rrjetet sociale dhe aktivitetin gjatë muajve të fundit, ai mund ta përdorte skenën për të vazhduar ngacmimin ndaj të dashurit të ri të ish-gruas, Pete Davidson.
Ai mund të ushtronte presion mbi emocionalitetin e publikut për kujdestarinë e fëmijëve që ka me Kim Kardashian.,
Po ashtu qëndrojnë edhe shqetësimet rreth ndërveprimeve të mundshme midis reperit dhe prezantuesit të Grammy-t, Trevor Noah.
West e ka ofenduar ashpër Noah në një postim në Instagram lidhur me komentet e prezantuesit mbi ndarjen nga Kardashian.
Çka çoi në ndalimin e tij nga platforma për 24 orë.
“Do të jem i sinqertë me ty: çka shoh nga situata është një grua që dëshiron të jetojë jetën e saj pa u ngacmuar nga një ish i dashur, ish-burrë ose ish asgjë”.
Kjo ka qenë përgjigjja e Noah pas fyerjeve të tij.
E meqë paraqitjet publike të West-it nuk janë pa polemika, performanca në Grammy Awards 2022 nuk mund të ishte përjashtim.
Marrë nga “Corriere della Sera”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
