Real Madrid dhe Manchester City avancojnë në fazën çerekfinale të Champions League me shumë lehtësi.
Madrilenët “shkelën” Atalanta-n pa shumë mund në “Alfredo di Stefano”.
Ishte garda e vjetër e madrilenëve ajo që zgjodhi gjithçka me një super paraqitje.
Benzema, Ramos dhe Modric bënë gjithçka që duhet në mënyrën e tyre më speciale.
Fillimisht ishte Modric që fitoi topin në mënyrë perfekte, pastaj asistoi për Benzema-n që shënoi për 1-0.
Pjesa e parë përfundoi me rezultat të tillë.
Në të dyten ishte Vinicius ai që pati një ndeshje të jashtëzakonshme, duke fituar edhe penallti në minutën e 58.
Në gol e shndërroi Ramos për 2-0.
Muriel shënoi një super gol nga gjuajta e lirë duke i japur Atalanta-s shenjën e nderit.
Vetëm një minutë më pas, Asensio i sapo inkuadruar gjeti rrjetën, për rezultatin përfundimtar 3-1, dhe 4-1 në të dy ndeshjet.
Manchester City në anën tjetër fitoi me rezultatin e njejtë si në ndeshjen e parë, 2-0.
Rezultat total, City 4-0 Mönchengladbach.
Golashënues ishin De Bruyne dhe Gundogan.
Pos City-t, dhe Real Madrid-it, janë kualifikuar edhe PSG, Porto, Dortmund dhe Liverpool.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
