Joan Collins hedh kunja kundër familjes Kardashian

Aktorja dhe shkrimtarja e njohur, Joan Collins, se fundmi  ka bërë bujë në mediat rozë, ndërsa ka adresuar kritika drejtuar familjes më të famshme në botë, asaj të Kardashian.

Collins në librin e saj, ” My Unapologetic Diaries”, ka theksuar faktin se ajo the Kris Jenner gëzojnë një miqësi prej vitesh, por gjithashtu, ajo ka thënë se kjo nuk e zbeh fare të vërtetën se motrat Kardashian, e kanë “tepruar” me operacione plastike.

“Ato buzë aq të mëdha të motrave Kardashians, vërtetë duken qesharake. Më falni! Dhe nëse njerëzit duan të sillen rrotull duke u dukur kështu, unë do të qesh me ta”, është shprehur autorja.

“Kris Jenner, nëna e tyre , është një shoqe e mirë e imja dhe nuk dua të jem e pasjellshme për fëmijët e saj, por ka shumë operacione të tmerrshme atje dhe unë kam folur me miqtë e mi për këtë, dhe garant e keni bërë edhe ju”, ka shtuar ajo.

Familja Kardashian, e referuar edhe si familja Kardashian – Jenner, është një familje amerikane e shquar në fushat e argëtimit, reality TV, dizajnit të modës dhe biznesit.

E krijuar nga Robert Kardashian dhe Kris Jenner, familja përbëhet nga fëmijët e tyre Kourtney, Kim, Khloe dhe Rob Kardashian, si dhe nipërit e mbesat e tyre.

Pas divorcit të Kris dhe Robertit në vitin 1991, Kris u martua me Caitlyn Jenner (atëherë Bruce), me të cilën ajo kishte dy vajza: Kendall dhe Kylie Jenner.

Familja është e njohur për formatin e tyre të reality show, “Keeping up with Kardashians”, dhe gjithsecili anëtar gëzon një reputacion të gjerë, përfshirë edhe Rob Kardashian, i cili është i vetmi që i është larguar syrit të kamerave.

Për dallim nga të motrat, Rob-i, ka tentuar ta mbajë privatësinë e tij në nivel, por që popullariteti i familjës e ka cënuar shumë herë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.