Jake Paul me hip-hop parodi per Dana White – ironizon edhe me Masvidal e McGregor

Para disa ditësh, youtuber-i Jake Paul kishte paralajmëruar një këngë (diss) kundër Presidentit të UFC, Dana White.

Paul ka publikuar këngën në kanalin e tij të Youtube, dhe duket se ofendimet drejtuar Presidentit të UFC nuk janë të lehta.

Videoja muzikore përmban një pamje nga kampionia e Bellator dhe ish-kampionia e UFC-së, Cris Cyborg, e cila në videoklip diskuton për sigurimin shëndetësor të luftëtarëve, para se Paul të nisë me repin e tij.

Në tekste, Paul synon jo vetëm White, por disa luftëtarë të shquar, të cilët Paul i ka thumbuar me fjalë më parë, duke përfshirë Conor McGregor (të cilit i kushtohet një pjesë e konsiderueshme e këngës), Jorge Masvidal, Nate Diaz dhe Khabib. Nurmagomedov, si dhe miqtë e ngushtë dhe partnerët e biznesit të White, Lorenzo dhe Frank Fertitta.

Kënga hapet me Paul-in duke duke repuar një pjesë të marrë nga filmi i Eminem, “8 Mile”.

“Tani të gjithë nga UFC, vendosni duart lart dhe më ndiqni mua”, e ndjekur nga refreni “F*ck Dana”. F*k Dana White”, e cila është e ngjashme me pjesën e këngës “F*ck Donald Trump”, e kënduar nga reperi amerikan YG.

Pjesa tjetër e këngës përfshinë sulme të tjera të ndryshme personale drejtuar White dhe McGregor.

Më parë, White kishte akuzuar Paul se po përdorë droga të ndryshme për të fituar ndeshjet.

Por në këngë, Paul i është kundërpërgjigjur duke thënë se “E kalova testin e drogës dhe ti nuk fole më”.

Paul është bërë një figurë polarizuese në botën e sporteve luftarake pasi ai ka ndërmarrë një karrierë si boksier profesionist.

Ylli i YouTube është 4-0 si një profesionist, me fitore me nokaut ndaj kampionëve të pensionuar të MMA Ben Askren dhe Tyron Woodley.

Ato ndeshje të kryqëzuara e vendosën atë në të njëjtën terren si White, dhe Paul e ka përdorur publicitetin për të kërkuar përmirësimin e kushteve të luftëtarëve të UFC.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.