![](https://albanianpost.com/wp-content/uploads/2021/01/merlin_169920063_07d94c02-abae-4dfc-8f31-486654b7b13b-mediumSquareAt3X.jpg)
Gjykata ka shtyrë seancën e gjyqit ndaj Kryeministrit të Izraelit, Benjamin Netanyahu, për një kohë të pacaktuar. Shtyrja e gjyqit erdhi për arsye të bllokimit në vend, për parandalimin e coronavirusit.
Netanyahu është akuzuar për ryshfet dhe mashtrim. Ai i ka mohuar këto akuza, duke i quajtur si të pavërteta.
Në muajt e fundit, populli izraelit është ngritur në protesta. Ata kërkuan dorëheqjen e Netanyahu-t, lidhur me akuzat dhe trajtimin e Qeverisë për krizën e coronavirusit.
Izraeli, kohët e fundit ka pasur një rritje të rasteve me coronavirus. Gati 20% e popullsisë kanë marrë dozat e para të vaksinës.
Netanyahu, ka deklaruar, se ka siguar vaksina të mjaftueshme deri në fund të marsit.
Për fushatë zgjedhore ai po përdor si strategji vaksinimin e shpejtë të popullsisë. Izraeli do të mbajë zgjedhjet për të katërt-en herë, në më pak se dy vjet.
Ai u ka bërë thirrje izraelitëve që të respektojnë kufizimet për parandalimin e coronavirusit.
Kufizimet do të zgjasin të paktën dy javë. Shkollat dhe bizneset janë mbyllur ditën e premte, ndërsa transporti publik është i kufizuar.
Izraeli ka raportuar rreth 4 mijë vdekje nga coronavirusi, duke përfshirë 474 mijë raste që nga fillimi i pandemisë. /AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com