Izraeli ka hedhur të njëjtin numër bombash në Gaza në gjashtë ditë sa gjatë gjithë konfliktit të vitit 2014
Forcat izraelite kanë hedhur rreth 6 mijë bomba në Gaza midis datës 7 dhe 12 tetor, tha në një deklaratë të enjten Forcat Ajrore izraelite (IAF).
Kjo shifër është e barabartë me numrin total të sulmeve ajrore në Gaza gjatë gjithë konfliktit Gaza-Izrael të vitit 2014, i cili zgjati nga 7 korriku deri më 26 gusht të atij viti, sipas të dhënave nga Forcat e Mbrojtjes së Izraelit (IDF).
2014 ishte viti më vdekjeprurës i regjistruar në konfliktin izraelito-palestinez, me të paktën 2 mijë e 251 palestinezë të vrarë në Gaza gjatë 50 ditëve të luftës, sipas të dhënave nga Zyra e OKB-së për Koordinimin e Çështjeve Humanitare (OCHA).
“Sulmet ajrore vranë qindra terroristë dhe sulmuan mbi 3 mijë e 600 objektiva”, tha IAF në deklaratën e saj, duke renditur objektiva si objektivat e komandës dhe kontrollit, infrastruktura strategjike ushtarake, vendet e prodhimit të armëve, asetet e inteligjencës, objektivat e udhëheqjes, objektivat e epërsisë detare dhe sistemit të raketave.
Lagjet e Gazës, Beit Hanoun, Shejaiya, Rimal, El-Furkan dhe Tuffah pësuan “dëmtime të mëdha dhe të rënda”, shtoi ai.
CNN ka lokalizuar më shumë se 30 sulme ajrore, shumica e tyre në pjesën veriore të Rripit të Gazës dhe ka analizuar imazhet satelitore që konfirmojnë dëme të mëdha në kampet e refugjatëve Al-Shati dhe Jabalia pranë qytetit të Gazës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Kur u bëra meme ishte poshtëruese dhe lënduese – Dua Lipa shfaq çdo anë të saj pa dorashka për The Guardian
-
Ahmeti: Pushka pas lufte dhe fjala pas Kuvendit s’kanë vlerë, vendit i duhet stabilitet
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Qeveria po e trajton si armike shtresën e mesme, sipas Bashës
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste