Izetbegoviç: Mostari do të ketë një kryetar bashkie me rotacion çdo 16 muaj

Presidenti i Partisë Lëvizja Demokratike (PLD), Bakir Izetbegoviç, deklaroi të shtunën, më 13 shkurt, se Mostari do të ketë një kryetar bashkie me rotacion.

“Ne kemi një aluzion interesant të rezultatit, që mund të nënkuptojë prezantimin e një kandidati të tretë për kryetar të komunës së Mostarit edhe një herë”.

Izetbegoviç tha se tre persona do të zgjidhen me rotacion gjatë mandatit katër-vjeçar. Sipas tij kjo do të ishte një gjë interesante për PLD-në.

“Njëri nga dy kandidatët do të zgjidhet sot dhe të tjerët do të zgjidhen si në mënyrën e zgjedhjes së presidentit”.

Kjo është një marrëveshje që siguron rotacionin e tre personave në pozicionin e kryetarit të komunës së Mostarit, çdo 16 muaj.

Sipas ekuilibrit aktual të pushtetit, këta do të ishin këshilltarë nga  Bashkimi Demokratik Kroat (BDK), Koalicioni për Mostarin dhe blloku i Bosnjë dhe Herzegovinës (BiH).

Ky propozim është vetëm një sërë iniciativash për të zgjedhur kryetarin e bashkisë së qytetit në Neretva brenda një periudhe të arsyeshme.

Mostari do të ketë një kryetar bashkie me rotacion, sipas Izebegoviç.

Të premten kandidatët patën raundin e dytë të votimit, kështu që Mario Kordic nga BDK-ja  dhe Zlatko Guzin, kandidati i Koalicionit për Mostarin, ishin në garën zgjedhore.

Kujtojmë se qyteti multietnik i Mostari-t, ka mbajtur zgjedhjet e para lokale pas 12 vitesh, më 20 dhjetor 2020. Shumicën e votave e morën partitë dominuese boshnjake dhe kroate.

Mostari nuk ka mbajtur zgjedhje lokale që prej vitit 2008, pasi autoritetet dështuan që të zbatonin një vendim të vitit 2010 të Gjykatës Kushtetuese të Bosnjës, ku thuhej se “struktura e ndarjes së pushtetit të qytetit ishte jokushtetuese dhe duhej të bëheshin reforma”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.