Ish-kryeinspektori i AKI-së sfidon ekzekutivin e legjislativin, rekomandon t’u bëhet test droge të gjithëve
Ish-kryeinspektori i Agjencisë së Kosovës për Inteligjencë (AKI), Burim Ramadani, nëpërmjet një postimi në llogarinë e tij në “Facebook”, ka rekomanduar t’u bëhet analiza teknike e t’u merret ekzemplari biologjik (testi i drogës), të gjithë vendimmarrësve të vendit.
Ai ka thënë se testi i drogës në krejt nivelet e ekzekutivit e legjislativ “do të mund të çudiste me rezultate”, ndërsa ka shtuar se ky lloj testi imunologjik, përveçse nuk kushton shumë, nuk merr as shumë kohë ngase është “testim i lehtë praktik” nga i cili dalin rezultate të menjëhershme.
“Një test për përdorim droge nëpër shumë nivele shtetërore do të mund të çudiste me rezultate. Kjo nuk është shaka. Le ta bëjnë Narko-Testin të gjitha nivelet vendimmarrëse, ata dhe ato që paguhen nga taksat tona dhe vendosin se si ta shpenzojnë Buxhetin e Kosovës”, ka shkruar Ramadani.
Ky reagim i tij vjen pas arrestimit nga Policia e Shqipërisë të asamblistit nga radhët e Lëvizjes Vetëvendosje në komunën e Prishtinës, Besnik Mujeci, nën dyshimet për trafikim dhe shitje të lëndëve narkotike.
Ai është arrestuar nga Policia e Shqipërisë në Tiranë për shitje dhe trafikim të lëndëve narkotike. Atij i janë gjetur dhe sekuestruar mbi 5 kilogramë lëndë narkotike, përkatësisht mbi 11 mijë tableta ekstazi MDMA në vlerë prej mbi 400 mijë euro e që destinacion dyshohet se kishin bregdetin shqiptar.
Për transportin e narkotikëve nga Prishtina në Tiranë është shfrytëzuar linja e udhëtimit të rregullt të autobusëve Prishtinë-Tiranë, pikërisht në kohën kur fluksi i qytetarëve dhe hyrje-daljet në pikën e përbashkët kufitare Kosovë-Shqipëri janë rritur ndjeshëm për shkak të pushimeve verore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti: SHBA-ja e BE-ja “shumë të buta” ndaj Serbisë
-
Britma, dhimbje dhe kufoma në tmerrin e Rafahut: Nën bomba po digjet edhe njerëzimi
-
Të mbrosh veten në luftë kushton 66 herë më shumë se të sulmosh: mësimi i Kupolës së Hekurt injorohet
-
“Zgjedhjet e jashtëzakonshme” – mblidhet Këshilli i Përgjithshëm i LDK-së
Lajmet kryesore
-
Rezoluta antikorrupsion kaloi mes debatesh, por çfarë parashikon?
-
Ballkani Perëndimor përballet me afate të detyrueshme në lidhje me tregun e energjisë elektrike
-
Masakra e civilëve në Rafah: Fëmijët tanë të copëtuar nga bombat, ndoshta nuk konsiderohemi qenie njerëzore
-
Kurti: SHBA-ja e BE-ja “shumë të buta” ndaj Serbisë