Interpoli kërkon arrestimin e shefit të firmës së dështuar kripto Terra

Interpoli u ka kërkuar agjencive të zbatimit të ligjit në mbarë botën që të gjejnë dhe arrestojnë themeluesin e kriptomonedhës së dështuar Terra, Do Kwon.

Për 31-vjeçarin është lëshuar një njoftim. Ai akuzohet për mashtrim lidhur me kolapsin e kompanisë prej 40 miliardë dollarësh.

Në fillim të këtij muaji, në vendin e tij të lindjes, në Korenë e Jugut, u lëshua një urdhër arresti.

Do Kwon udhëtoi për në Singapor në maj – përpara se Terra të rrëzohej – por autoritetet kanë zbuluar se ai nuk është më atje.

Prokurorët e atjeshëm i kishin kërkuar Interpolit që ta vendoste atë në listën e njoftimit të kuq dhe i kërkuan ministrisë së jashtme në Seul që t’i revokonte pasaportën, duke thënë se Do Kwon ishte “në arrati”.

Nga ana tjetër ai vetë ka mohuar të jetë fshehur, por nuk ka treguar vendndodhjen e tij.

Po ashtu prokurorët kanë lëshuar urdhra arresti edhe për pesë persona të tjerë të lidhur me të ashtuquajturin Terra.

Kriptot janë krijuar për të pasur një çmim relativisht fiks dhe zakonisht lidhen me një mall ose monedhë të botës reale, por vlera e Terra-s u shemb gjatë rrëzimit më të gjerë të kriptomonedhës të këtij viti.

Sistemi Terra bashkë me Luna-n u shkatërrua në maj, me çmimin e të dyve që ra afër zeros dhe pasojat goditën tregun më të gjerë të kriptove.

Nga një vlerë prej 116 dollarësh në prill, një monedhë Terra tani vlen më pak se 0,0002 dollarë.

Në nivel global, investitorët në dy monedha humbën rreth 42 miliardë dollarë. Disa investitorë humbën kursimet e tyre të jetës dhe autoritetet e Koresë së Jugut kanë hapur disa hetime kriminale për aksidentin.

Marrë nga “BBC”, përshtatur për “Albanian Post”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.