Bordi i Shoqatës Ndërkombëtare të Futbollit (IFAB), organ i pavarur që monitoron rregullat e futbollit ndërkombëtar, ka dhënë dritën jeshile për përdorimin e teknologjisë për të përcaktuar pozicionet jashtë loje të lojtarëve.
Sipas britanikes “The Sun”, teknologjia e re, që ka marrë miratimin nga IFAB, quhet “robo-linesman”.
Në rast se do të këtë miratimin unanim të të gjithë anëtarëve të bordit, në qershor të vitit 2022 do të vihet në përdorim.
Sistemi funksionon përmes një algoritmi, i cili gjurmon 29 pika të caktuara në trupin e secilit lojtar, për të regjistruar pozicionimin e tij në fushë.
Diferenca e gabimit është katër centimetra, duke qenë më i saktë se kamerat e VAR-it.
Kur një lojtar është në pozicion jashtë loje, sistemi dërgon sinjal te gjyqtarët e takimit dhe vendimi merret brenda një-dy sekondave. Në rastin aktual, të VAR-it, atyre u jepet kohë më e gjatë për të vlerësuar një pozicion jashtë loje.
Në shkurt të 2022-it, sistemi do të ketë fazën e testimit të drejtpërdrejtë në një ndeshje miqësore që Chelsea do të luajë në Emiratet e Bashkuara Arabe.
Qëllimi është që sistemi i ri të futet zyrtarisht dhe të debutojë në Kupën e Botës, Katar 2022. Ndërsa, pritet që Premier League të jetë liga e parë që do ta vërë në zbatim këtë sistem, duke filluar nga sezoni 2023/24.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in
