“Për të falënderuar Edi Ramën, që në panik tha se nuk bashkohemi. E siguroj që është nder i veçantë. Po vijove kështu, do marrësh përgjigjen e merituar”.
Ishin këto fjalët e ish-liderit demokrat, Sali Berisha, fill pas deklaratave të kryeministrit Edi Rama, i cili e cilësoi Berishën “të vdekur politikisht” në seancën e 21 prillit të Kuvendit të Shqipërisë.
“E para me Saliun nuk kemi asnjë punë, ai është i vdekur tashmë. Me të vdekurin që keni në mes të shtëpisë dhe nuk dini ç’t’i bëni, neve mos na ngatërroni”, tha Rama.
Më tej, ai shpjegoi se, nëse PD-ja i vë përballë Berishën për të diskutuar për emrin e presidentit të ri, atëherë “ne do të ndërpresim çdo marrëdhënie me Partinë Demokratike”.
Gjithashtu Rama iu drejtua edhe Partisë Demokratike (PD), duke i thënë grupit të saj parlamentar se situata në të cilën kjo parti ndodhet, do të përkeqësohet.
“Ju e dini se mua më dalin fjalët. Ja ku po jua them, më keq do të shkoni, vetëm kini durim”, përmbylli Rama.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Partia do ribëhet, Meta paralajmëron ata që nuk janë pro tij
-
Hetimet mbi Kadastrën, SPAK zbardh akuzat për 4 të arrestuarit
-
Flota “fantazmë” ruse në Mesdhe: Ja se si Moska lëviz armët dhe naftën nën sytë e Perëndimit
-
Deputeti gjerman skeptik për anëtarësimin e Kosovës në KiE – çështja është Asociacioni