‘I trishtuar’, Acerbi thyen heshtjen pas shpalljes së pafajësisë për rastin e racizmit

Francesco Acerbi këmbëngul se ai nuk është racist dhe se “racizmi është një gjë serioze”, por kishte frikë se karriera e tij do të kishte përfunduar nëse do të shpallej fajtor.

Mbrojtësi i Inter-it dhe Italisë ka publikuar intervistën e parë që nga lirimi i tij për një rast racizmi.

Mbrojtësi i Napoli-t, Juan Jesus e kishte akuzuar Acerbi-n se kishte përdorur komente raciste ndaj tij gjatë takimit të fundit të Serie A ndërmjet Inter-it dhe Napoli-t në “San Siro”.

Ylli i zikaltërve do të dënohej me dhjetë ndeshje nëse shpallej fajtor.

Napoli mbështet Juan Jesus pasi Acerbi u lirua nga akuzat për racizëm

“Ishte një lehtësim edhe nëse e gjithë situata më trishtoi për mënyrën se si përfundoi në fushë dhe se si të gjithë folën për të pa ditur asgjë. E perceptova sikur të kisha vrarë dikë”, tha Acerbi për “Il Corriere della Sera”.

“Nuk kishte racizëm në fushë. Unë nuk jam racist. Idhulli im ishte George Weah, dhe kur u diagnostikova me kancer, mora një telefonatë befasuese prej tij, e cila ende më emociononi”, tregon italiani.

“Një person po poshtërohet dhe familja e tij po kërcënohet. Per cfare arsye? Për diçka që përfundoi në fushë dhe për të cilën racizmi nuk ka lidhje. Racizmi është një gjë serioze, jo një fyerje e supozuar”, vazhdoi ai.

Megjithatë, Acerbi konfirmoi se lojtarët në fushë nuk janë gjithmonë shumë të sjellshëm kur flasin me njëri-tjetrin.

“Nuk duhet të ndodhë, por mund të dëgjosh çdo gjë edhe nëse ka 40 kamera”, tha ai.

“Nëse arbitri duhet të shënojë gjithçka që dëgjon, ai do të duhet të vrapojë me një çantë shpine. Por gjithmonë përfundon atje. Përndryshe, edhe fyerjet ndaj serbëve, italianëve dhe nënave duhet të jenë vepra të dënueshme”, theksoi mbrojtësi i Inter-it.

A kishte frikë se karriera e tij mund të përfundonte nëse do të shpallej fajtor?

“Nëse jeni të ndaluar për 10 ndeshje për racizëm, çfarë bëni?”, u përgjigj ai.

“Gjithçka mund të kishte ndodhur. Do të kishte qenë fundi për mua si futbollist, por kryesisht si mashkull. Të gjithë kishin dhënë verdiktin e tyre përpara se të dilte. Për shumë, unë jam ende racist, dhe sinqerisht, nuk e pranoj dhe dua të sqaroj se nuk dua ta minimizoj atë”, shpjegoi Acerbi.

Pse nuk e dha versionin e tij më herët?

“Kisha besim te ligji dhe nuk doja të nxisja polemika, por tani ka një vendim dhe dua të them fjalën time”, u përgjigj mbrojtësi.

“Nuk kam asgjë kundër Juan Jesus, dhe më vjen keq për të, por nuk mund të akuzosh një person si racist për një keqkuptim. Ata nuk mund të vazhdojnë ta bëjnë këtë edhe pas vendimit”.

“Të gjithë kemi humbur. Jam i trishtuar dhe i mërzitur. Pas lirimit tim, njerëzit përreth meje reaguan sikur u lirova nga burgu pas dhjetë vjetësh”.

“Sëmundja me të cilën u përballa nuk ishte asgjë në krahasim me këtë histori. Përkundrazi, tërbimi mizor kundër meje më lëndoi. Nëse marrim yllin e dytë, unë do të jem atje duke mbajtur kokën lart”, shtoi ish-lojtari i Lazio-s.

Acerbi u përjashtua nga kombëtarja e Italisë pas akuzave, edhe pse FIGC dhe presidenti Gabriele Gravina i besonin gjithmonë mbrojtësit të Inter-it në ato që ai thoshte.

“Nuk pres asgjë. Nuk dua të them asgjë për kombëtaren tani për tani”, tha Acerbi.

“Duhet ta diskutoj këtë fillimisht me Spalletti-n. Jam i lodhur, por kjo histori mbaron sot dhe nuk dua ta diskutoj më”, shtoi ai.

Ndeshja e radhës e Inter-it në Serie A është kundër Empoli-t në “San Siro” të hënën, më 1 prill dhe Acerbi do të jetë në dispozicion për zikaltërit.

Juan Jesus po shqyrton veprimet ligjore pas vendimit për Acerbin

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.