Pas liturgjisë të mbajtur në Kishën Ortodokse – Kelmendi: Kurti ka me na e sjell Serbinë brenda
Publicisti kosovar, Migjen Kelmendi, përmes një statusi në Facebook, e ka kritikuar qeverinë Kurti, pasi të enjten, 10 qershor, Peshkopi, Teodosije, i Dioçezës së Rashkës dhe Prizrenit së bashku me peshkopë dhe besimtarë tjerë, kanë mbajtur shërbesë për herë të parë prej vitit 1998 në Kishën e braktisur, që gjendet në Kampusin e Universitetit të Prishtinës.
“Liturgjia e mbajtën ne kishën politike te Miloseviçit dhe Arkanit ne Prishtinë, është vetëm një fakt që mundesh me e prek me dorë të këtij gabimi historik që 50 për qind e qytetareve te Kosovës e bën tu e votu Kurtin. Parashikimi i Kadri Veselit se ‘Kurti ka me na e sjell Serbinë brenda’ faktohet konkretisht me këtë akt të sotëm ne Kishën politike te Miloseviçit e Arkanit”, ka thënë Kelmendi.
Sipas tij, “e keqja është se ekstrapolimet dhe manifestimet e ardhshme të gabimit historik te 50 për qind e qytetarëve të Kosovës, kanë me e dëmtua dhe rreziku të ardhmen e 100 për qind te qytetareve”.
“Dukej romantike me e votu një djalë të ri, bashke me do tjerë, që premtonin ndryshimin, ndërrimin e pushteteve dhe funksionimin e ligjit në Kosovë”.
“Vetëm 100 ditë ma vonë, krejt kjo prrall që komprometoi shkoqnin kosovare, plasi si flluskë sapuni”.
Kelmendi ka shtuar “se shoqëria kosovare, e cila diku në 50 për qind është rurale, me nivel kulturor folklorik, voton një djalë gjysë të shkolluar që e citon Hegelin – për pa e lexuar”.
“Gabimi nuk është abstrakt. Medoemos ka me e pas edhe manifestimin e jashtëm, njësoj si Shoqëria e Enverit që përshfaqej në atë fukarallëk që e kish ndërruar optin e qytetareve dhe në atë çmendi arkitekturale që kaploi këtë vend komunist”, ka shkruar Kelmendi në Facebook.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Shkërmoqen konservatorët në zgjedhjet vendore britanike, rezultojnë forcë e tretë
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Shqipëria e dyta në botë për azilantët nën 18 vjeç në raport me popullatën, tregon Eurostat
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?
-
Pa një plan diplomatik për Gazën e pasluftës, Jordania ka frikë se do të detyrohet të njohë Hamasin
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste