Holanda ka kërkuar mbylljen e dy “stacioneve policore të paligjshme”, të cilët mendohet se janë ngritur nga shteti kinez.
Sipas raportimeve të mediave, Pekini i ka pasur këto ndërtesa në Amsterdam dhe Roterdam që nga viti 2018.
Kjo, për të monitoruar disidentët.
Nga ana tjetër, shteti kinez ka mohuar akuzat e bëra ndaj tij.
Organizatat jo-qeveritare kanë pohuar se “stacionet e policisë” përdorin ish-ushtarakë dhe oficerë të inteligjencës për të bërë që kundërshtarët politikë të heshtin, në vend që të ofrojnë shërbime të njohura diplomatike.
“Ne i kemi kërkuar ambasadorit kinez sqarim të plotë mbi të ashtuquajturat stacione të shërbimit policor që kryejnë detyra në Holandë në emër të qeverisë kineze”, shkroi në Twitter ministri i Jashtëm holandez, Wopke Hoekstra.
“Duke qenë se nuk është kërkuar leje nga Holanda për këtë, ministria ka njoftuar ambasadorin se stacionet duhet të mbyllen menjëherë”, shtoi ai.
Në shtator, OJQ-ja spanjolle “Safeguard Defenders” raportoi se të paktën 36 “stacione policore” kineze janë ngritur në vendet evropiane, duke përfshirë Francën, Italinë, Portugalinë dhe Spanjën.
Një hetim i ri nga “RTL News” dhe platforma e gazetarisë investigative “Follow the Money” konfirmoi se dy nga këto stacione funksiononin në Holandë.
Sipas “RTL-së”, një “stacion policor” në Amsterdam u hap nga policia në rajonin lindor kinez të Lishui, ndërsa një tjetër në Roterdam, i cili operohet nga qyteti i Fuzhou.
Autoritetet në Spanjë dhe Irlandë kanë hapur gjithashtu hetime për “stacionet e policisë kineze”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kosova përfundimisht mbetet jashtë agjendës për Këshillin e Evropës
-
Wisner nga Kukësi: Presim përparim për hidrocentralin e Skavicës
-
Rusia duhet të paguajë për rindërtimin e Ukrainës, thotë Blinken
-
Shqipëria, Britania e Madhe dhe Kosova nënshkruajnë deklaratë bashkëpunimi kundër migracionit të paligjshëm