Profesori i Historisë në Universitetin Yale, Timothy D. Snyder konsideron se regjimi i Vladimir Putin-it (Presidenti i Rusisë) ka filluar të “dobësohet”.
Ai beson se në Moskë tashmë kanë filluar përgatitjet për luftën për pushtet.
Lajmi u bë i ditur nga “Newsweek”.
Në veçanti, historiani amerikan vuri në dukje disa shenja se autokrati rus po “humb kontrollin”.
Mes tyre janë edhe deklaratat e disa zyrtarëve rusë, si Dmitri Medvedev, për pasojat që gjoja e presin Ukrainën dhe Perëndimin.
Medvedev është një aleat i vendosur i Putin-it, i cili dikur e zëvendësoi për pak kohë si president.
Kohët e fundit ai deklaroi se përgjigja perëndimore ndaj pushtimit rus të Ukrainës mund të çojë në atë që shteti ukrainas “të humbasë mbetjet e sovranitetit të tij dhe të zhduket nga harta botërore”.
“Zakonisht raportimi i deklaratave të tilla përqendrohet në përmbajtje. Është shumë e lehtë t’i nënshtrohesh propagandës ruse të frikës. Por historia e vërtetë është se njerëzit e afërt me Putin-in tani mendojnë se mund të bëjnë deklarata të tilla. Para luftës, kishte më pak të tilla”, vuri në dukje Snyder.
Ai shtoi se një “propagandë e dënimit” të tillë tregon besnikëri ndaj Putin-it, por në të njëjtën kohë tregon përgatitjen “për betejën për pushtet pas rënies” të presidentit rus.
“Nëse Rusia e humb luftën, njerëzit që tani po thonë gjëra radikale do të mbrohen. Nga ana ime, unë prirem t’i shoh deklaratat e ashpra si dëshmi se rusët me ndikim mendojnë se Rusia do të humbasë”, thotë historiani.
Përveç kësaj, sipas Snyder, Putin konsiderohet i dobët sepse ushtria e tij nuk mund t’i arrijë qëllimet e saj në Ukrainë.
Disa kritikë dhe zyrtarë gjithashtu shprehën më parë një vlerësim të ngjashëm.
Në veçanti, Sekretari amerikan i Shtetit, Anthony Blinken theksoi se Putin nuk ka arritur asgjë me luftën e tij kundër Ukrainës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
OKB-ja më 23 maj voton rezolutën për Srebrenicën
-
Balla reagon pas rastit të Durrësit: Mirënjohje RENEA-s, asnjë justifikim ndaj dhunës
-
Kurti me partnerët e koalicionit, diskutojnë qëndrimet e opozitës për zgjedhje e quajnë “çështje muajsh”
-
BE-ja e paralizuar nga Hungaria dhe Sllovakia për Gjeorgjinë
Lajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi