Do të hidhet sot shorti për fazën play-off të kualifikueseve në kuadër të Kupës së Botës Katar 2022.
Vendi ku do të hidhet shorti është Zyrihu në Zvicër, me fillim në orën 17:00.
Skuadra si Italia, Portugalia, Polonia e Suedia do të jenë pjesë e një faze shumë të luftuar për të siguruar tre vendet e fundit në botëror.
Skuadrat pjesëmarrëse ndahen në dy vazo.
Vazo 1: Portugalia, Rusia, Italia, Skocia, Suedia dhe Uellsi
Vazo 2: Austria, Republika Çeke, Maqedonia e Veriut, Polonia, Turqia
Këto 12 skuadra do të luftojnë për tre vendet e fundit të mbetura nga Evropa.
Përveç Austrisë dhe Çekisë që vendin e tyre e siguruan nga Nations League, dhjetë skuadrat tjera erdhën në këtë fazë si rezultat i kualifikueseve të rregullta.
Si funksionon shorti?
Gjashtë skuadrat e vazos së parë, do të luajnë gjysmëfinalet në shtëpi.
Pastaj, gjashtë skuadrat në vazon e dytë do të luajnë me njërën nga skuadrat e vazos se parë.
Gjysmëfinalet do të përcaktohen me numra, pra gjysmëfinalja 1, 2, 3, 4, 5 dhe 6.
Gjysmëfinalet 1, 2 do të përkojnë rrugën A, gjysmëfinalet 3, 4 rrugën B, dhe 5, 6 rrugën C.
Për të përcaktuar se cili nga gjysmëfinalistët do të luajë në shtëpi, do të mbahet edhe një short tjetër.
Nga gjysmëfinalet, do të caktohen finalet A, B, C dhe pastaj fituesi i secilës finale do të kualifikohet në botëror.
Nga ky short, vetëm një gjë është e sigurt, që Ukraina dhe Rusia nuk mund të përballen me njëra-tjetrën.
Gjysmëfinalet do të luhen më 24 mars, kurse finalet më 29 mars të vitit 2022.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com