Hidhet shorti i Europa League

Këtë të premte është hedhur shorti që ka përcaktuar grupet e UEFA Europa League për sezonin e ri 2023-24.

Në edicionin e ri do të jenë 32 skuadra pjesëmarrëse. 12 janë kualifikuar automatikisht, 10 kanë ardhur nga faza e play-off dhe 10 të tjera nga faza e play-off të Champions League.

Ashtu si dhe në Champions League, nuk kanë munguar përballjet e “ferrit” në grupet e Europa League. Ajax do të gjejë Marseille, Brighton dhe AEK-un e Ahtinës, në atë që mund të cilësohet si grupi më i fortë.

Grupet:

Grupi A: West Ham (ANG), Olympiacos (GRE), Freiburg (GJE), TSC Backa Topola (SER)

Grupi B: Ajax (HOL), Marseille (FRA), Brighton (ANG), AEK Athens (GRE)

Grupi C: Rangers (SKO), Real Betis (SPA), Sparta Praha (ÇEK), Aris Limassol (QIP)

Grupi D: Atalanta (ITA), Sporting CP (POR), Sturm Graz (AUS), Rakow Czestochowa (POL)

Grupi E: Liverpool (ANG), LASK (AUS), Union SG (BEL), Toulouse (FRA)

Grupi F: Villarreal (SPA), Rennes (FRA), Maccabi Haifa (IZR), Panathinaikos (GRE)

Grupi G: Roma (ITA), Slavia Praha (ÇEK), Sheriff Tiraspol (MOL), Servette (ZVI)

Grupi H: Leverkusen (GJE), Qarabag (AZE), Molde (NOR), Hacken (SUE)

Java e parë e fazës së grupeve do të zhvillohet më 21 shtator. Java e dytë më 5 tetor. Java e tretë më 26 tetor. Java e katërt më 9 nëntor. Java e pestë më 30 nëntor. Dhe, java e gjashtë dhe e fundit zhvillohet më 14 dhjetor.

Shorti për play-off-et për fazën eliminatore, në të cilën marrin pjesë nënkampionët dhe skuadrat e treta në grupet e Champions League, do të hidhet më 18 dhjetor.

Hidhet shorti i Champions League

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.