Nënkryetari i Lidhjes Demokratike të Kosovës (LDK), Lutfi Haziri, duke komentuar mbi synimet e Qeverisë së Kosovës që videot dhe audio-materialet e publikuara në mediat online të kontrollohen nga Komisioni i Pavarur i Mediave (KPM), deklaroi se deputetët që votojnë për këtë projektligj, do të mbahen mend si njerëz që janë kundër lirisë së mediave.
Haziri reagoi të mërkurën nëpërmjet një postimi në “Facebook” mbi projektligjin për KPM-në, i cili, nëse miratohet, do t’i japë mandat KPM-së të monitorojë edhe punën e mediave online që prodhojnë përmbajtje audio-vizuale, duke akuzuar kreun e ekzekutivit kosovar, Albin Kurti, se po tenton t’i “disiplinojë” mediat online që prodhojnë materiale audio-vizuale.
“Mediat kanë të drejtë edhe kur s’kanë të drejtë. Deputetët që votojnë për projektligjin për KPM-në, nëpërmjet të cilit Kurti me shokë po tentojnë që mediat online t’i disiplinojë, do të mbahet mend gjatë për qëndrim të hapur kundër lirisë së shtypit e shprehjes. Kjo nuk është qeverisje demoratike, kjo është përpjekje e mjerueshme për instalim të diktatit”, tha Haziri.
Projektligjin për KPM-në e kundërshtuan edhe Asociacioni i Gazetarëve të Kosovës (AGK) dhe Këshilli i Mediave të Shkruara të Kosovës (KMSHK), duke e cilësuar si tentim të Qeverisë së Kosovës nën udhëheqjen e Lëvizjes Vetëvendosje (LVV) për t’i sulmuar mediat online që prodhojnë materiale audio-vizuale, bashkë me kërkesën që të tërhiqet nga kjo tentativë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pashkët Ortodokse sjellin fluks në pikat kufitare, dhjetëra mijëra kalime në 24 orë drejt Greqisë
-
A e sulmon Serbia, Kosovën? – Ulutas: KFOR-i i përkushtuar të parandalojë çdo rrezik të përshkallëzimit
-
Kryepeshkopi Janullatos uron Pashkën Ortodokse: Mesazhi i Krishtit kumbon në mes të melankolisë së luftës në Gaza, Ukrainë dhe vende të tjera
-
Aksident në Rrugën e Arbrit, radhë kilometrike e krijuar
Lajmet kryesore
-
Euro pranë rënies nën 100 lekë, çfarë pritet?
-
Arsimi është tkurrur, bie me 3.7% numri i nxënësve dhe studentëve në vitin e fundit akademik
-
Plani arab në katër etapa, për të ndaluar luftën në Gaza
-
Narrativa armiqësore, etiketime, fyerje, tendenca për kontroll – Mediat në Kosovë nën trysninë e pushtetit