Nënsekretari i Kombeve të Bashkuara për Çështjet Humanitare, Martin Griffiths, i ka kërkuar Izraelit të heqë të gjitha pengesat për ndihmën në Gaza.
“UNRWA është zemra rrahëse e reagimit humanitar në Gaza”, ka shkruar ai në një postim në X, duke iu referuar agjencisë së Kombeve të Bashkuara.
“Vendimi për të bllokuar autokolonat e ushqimit që shkojnë në veri nuk bën gjë tjetër veçse i afron mijëra njerëz me zinë e urisë”.
Sipas tij, ku vendim duhet të anulohet.
UNRWA, e cila ofron ndihmë për refugjatët palestinezë në Gaza dhe në të gjithë rajonin, është në krizë pasi Izraeli akuzoi një duzinë të stafit të saj për përfshirje në sulmet e 7 tetorit nga Hamasi ndaj Izraelit.
Akuzat nxitën donatorin më të madh të UNRWA-s, SHBA-të dhe disa të tjerë që të ngrinin përkohësisht fondet, duke hedhur dyshime mbi të ardhmen e agjencisë.
Megjithatë, disa vende të tjera, përfshirë Kanadanë, Australinë dhe Suedinë, kanë vendosur të rivendosin fondet për agjencinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Ministri izraelit i Luftës thyen këmbën gjatë ecjes me biçikletë
-
Scholz, Kurtit: Duhen hapa konkretë në çështjen e Asociacionit kur në pyetje është anëtarësimi në KiE
-
Thaçi: Ne fillojmë negociatat me VMRO-në në momentin kur ata janë gati ta tregojnë ditën për ndryshimet kushtetuese
-
Szunyog kërkon nga Kosova dhe Serbia bashkëpunim për Deklaratën për Personat e Zhdukur