Goditja e Kinës ndaj Myslimanëve shtrihet në një ishull.
Ezani ende dëgjohet nëpër rrugicat e lagjes myslimane gati 1 mijë vjeçare të Sanjas. Goditja e qeverisë ndaj komunitetit të vogël, thellësisht të devotshëm në këtë qytet jugor të Kinës ka qenë delikate.
Autoritetet kanë mbyllur dy shkolla islamike dhe janë përpjekur dy herë të ndalojnë studentët që të mbajnë shalle në kokë.
Utsulët, një komunitet me jo më shumë se 10 mijë myslimanë në Sanya, janë ndër të fundit që shfaqen si shënjestra të fushatës së Partisë Komuniste Kineze kundër ndikimit të huaj dhe feve. Problemet e tyre tregojnë se si Pekini po punon për të shkatërruar identitetin fetar edhe të pakicave më të vogla myslimane, në një nxitje për një kulturë të unifikuar kineze me shumicën etnike Han në thelb të saj.
Kufizimet në Sanya
Kufizimet e reja në Sanya, një qytet në ishullin turistik Hainan, shënuan një përmbysje të politikës qeveritare. Zyrtarët mbështetën identitetin islamik të Utsulëve dhe lidhjet e tyre me vendet myslimane, sipas udhëheqësve fetarë dhe banorëve lokalë.
Qeveria kineze ka mohuar në mënyrë të përsëritur se i kundërvihet Islamit. Por, partia ka shkatërruar xhami, faltore të lashta, kupola dhe minare islamike në Kinën veriperëndimore dhe qendrore. Goditja e është përqendruar shumë tek ujgurët, një pakicë myslimane e Azisë Qendrore prej 11 milionë banorësh në Xinjiang.
Pavarësisht se u etiketuan zyrtarisht pjesë e pakicës më të madhe etnike të Kinës, Hui, Utsulët e shohin veten si të veçantë nga komunitetet e tjera myslimane në vend.
Lidhja e utsulëve me të tjerët
Gjatë shekujve, utsulët kanë Mbajtur lidhje të forta me Azinë Juglindore dhe vazhduan të praktikonin Islamin kryesisht të pakufizuar. Por gjatë Revolucionit Kulturor të fundit të viteve 1960 dhe fillimit të viteve 1970, bandat endacake të Gardës së Kuqe kushtuar Mao Ce Dunit shkatërruan xhamitë në fshatrat Utsul, siç bënë në të gjithë Kinën.
Deri më sot, shumë utsulë, të njohur gjithashtu si utsats, flasin një gjuhë të veçantë kamike të ngjashme me atë që përdoret ende në pjesë të Vietnamit dhe Kamboxhia, përveç kinezishtes.
Gratë mbajnë shalle shumëngjyrëshe në kokë, ndonjëherë me rruaza ose të qëndisura, që mbulojnë flokët, veshët dhe qafën e tyre, një stil i ngjashëm me mbulesat e kokës të veshura nga gratë myslimane në Malajzi dhe Indonezi.
Ekonomia dhe turizmi i Sanya-s lulëzoi gjatë dy dekadave të fundit. Lidhjet e utsulëve me Lindjen e Mesme gjithashtu u rritën. Të rinjtë udhëtuan në Arabinë Saudite për studime Islame. Drejtuesit e komunitetit krijuan shkolla për fëmijë dhe të rritur për të studiuar arabisht.
Tani, utsulët janë në një bashkëjetesë të vështirë me autoritetet.
Në qendër të oborrit të xhamisë Nankai, një flamur i kuq kinez fluturon në gati të njëjtën lartësi si majat e minareve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Kur u bëra meme ishte poshtëruese dhe lënduese – Dua Lipa shfaq çdo anë të saj pa dorashka për The Guardian
-
Ahmeti: Pushka pas lufte dhe fjala pas Kuvendit s’kanë vlerë, vendit i duhet stabilitet
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste
Lajmet kryesore
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Qeveria po e trajton si armike shtresën e mesme, sipas Bashës
-
Nëse Trump fiton, do të kërkojë angazhim me 3% të PBB-së për vendet e NATO-s
-
Kushtëzimi i KiE-së me Asociacionin, Selimi: Kurti s’arriti të ndërtoi një platformë të mirë lobimi, shpërdoroi disa raste